【大奇蹟日兩周年】任建峰語守住法治勿悲觀 「入咗絕望漩渦,場仗更加冇得打」│方浩文

【大奇蹟日兩周年】任建峰:睇事多咗份抽離 慎防迴音室效應│方浩文

2016-8-14 18:06
字體: A A A

不少人都認為,2014年是香港民主發展史上重要的一年,歷時79日的雨傘運動改變了政治、社會,甚至網絡生態,又喚醒了至少一代人,亦有人以「素人」姿態參與公共事務討論,甚至參選從政。不過在「928」之前,風起雲湧的2014年已驅使不同人走出來,就公共或社會議題發聲,法政匯思召集人任建峰正是其中之一。參與公共事務討論兩年,他如何看自己及香港社會的變化?

【人在心不在】

「任建峰」三個字這兩年常見於各大媒體,既有定期發表的專欄,又有傳媒查詢,甚至最近連電台節目都聽到他的聲音,生活有否起了很大變化?「梗係有,手機啲通訊軟件無時無刻嗞嗞聲,成日畀老婆同仔話我成日望住個電話,人在心不在。不過又唔係越來越嚴重,2014年起就係咁。」

任建峰的日常生活起了重大變化,看事物的角度亦因接觸多了很多人而有所改變。「接觸嘅人包括唔同階層行業同立場,大家有唔同判斷咪聽吓囉。之前諗嘢會好一窩蜂、好熱血(bleeding heart),而家睇事會多咗一份抽離,會先沉澱,分析形勢時會考慮多啲因素。留意返出面個社會未必同你睇法一樣,永遠唔好假設自己講嘅嘢好多人支持、唔同意你意見嘅人都係白痴。學習抽離,咁樣對你處事同研判事情會有影響。」

【唔返澳洲喇】

兩年前任建峰接受媒體訪問,解釋自己為何要走出來時,曾表示15年前從澳洲回流時,只預「打劫」香港十來年,夠鐘就走人回老家,不過現時這計劃似乎已有變。「唔會走喇,對呢個地方落地生根,生活習慣咗,又有咗感情。」感情以外,參與公共事務又會否是留下來的其中一個原因?「咁又唔係喎,參與公共事務係因為對個地方有感情,但唔係話掉返轉,因為參與咗公共事務就唔走。我又唔係甚麼大人物,唔係有咩放唔低。」

【拍大家膊頭】

雨傘運動後,持不同主張的團體如雨後春筍般湧現,包括2015年初成立的法政匯思,任建峰作為法政匯思召集人,對此有何看法?「百花齊放係好嘅,大家做自己嘢,睇吓邊套work囉,我唯一係覺得大家可以諗吓有咩做同講多啲實際嘅,少啲不必要嘅『互相拍大家膊頭』。(即係咩意思?)幾班志同道合嘅人,無論乜都會喺個圈子入面成日見,『圍爐取暖』。咁係有佢嘅作用,亦係好事,但要永遠提防迴音室效應,如果去到一個地步係只係聽到圈子內嘅聲音,咁對政圈同社會唔健康。」

民間團體湧現,同時網上亦出現無數所謂的意見領袖,發表自己對時局或公共議題的看法,任建峰本人亦不例外。人人要發聲的同時,有否促進了社會的討論和思考?「言之過早!要十年八年先睇到。我睇唔清而家有冇呢個氛圍,一來自己都算半個局內人,二來大家都試緊唔同方法同取向,好難去睇到一樣嘢work唔work係因為有邊啲元素,呢啲可能真係要十年八年去睇。」

hkljnmbqk

【迴音室效應】

任建峰參與公共討論,其中較受人注目的一場,或者六月有關支聯會的討論,當時他曾撰文指「在六四問題上,不再需要對院校學生領袖客氣了」,在網絡上有不少人「洗板」式圍攻之。「(個討論唔算係迴音室效應?)係嘅,我覺得聽得嚟要識得反省,但我暫時又未見得。你只係喺網上見到自己嘅意見係千軍萬馬,到現實出嚟『原來就係咁呀』。六四篇文喺網上被圍攻,但主流社會都冇理到發生咩事,所以大家都係唔好將網絡世界等同現實。」

「網絡討論嘅迴音室效應係好嚴重,只聽自己鍾意嘅意見,又聽好多傳聞。我認同而家網上社會好難同現實切割,咁自己要睇多啲,唔好只信一個半個消息來源。雨傘運動後有人認為主流媒體唔可信,會睇多好多聲稱平日主流媒體睇唔到嘅所謂真相,呢個係重要嘅,但同時又好似過份走咗去另一個方向,就係越來越睇一啲只係報返你想聽嘅嘢,各個派系都係咁。喺咁嘅情況下,大家唔係認識多咗,只係偏見多咗,有啲嘢,可能真係要去查證,睇多幾個資料證實真係咁核突嘅,咁你咪去爆佢囉,但唔好一嘢就落判斷先,咁係唔健康嘅。」

「喺咁嘅情況下,係令到社會個討論難咗,所以大家用社交媒體要用得有智慧啲。」

同馬恩國關係如何?

任建峰持澳洲國籍,提起澳洲,自不然令人想起其同鄉、民建聯的「粗口大狀」馬恩國。不知是否同鄉三分親的因由,任馬二人不時同場出現,在誠實的google輸入「任建峰」,第四個搜尋結果就是「任建峰 馬恩國」。二人就政見鬧個面紅耳赤,但有互交fb朋友兼會留言。到底二人關係如何?

「唔係特別出嚟見面,好耐不耐一兩句短訊咁樣囉。(你話過以有咁嘅同鄉為恥)係呀,喺政見上真係有冇搞錯,講埋啲咁嘅嘢,真係亂咁嚟(講到咁盡都仲可以有兩句?)呢個就係我哋社會應有嘅態度,你可以激辯,講嘢好harsh,但係咪因為咁就唔可以冇兩句呢?我又唔係同佢做人世,都唔使置對方於死地啫!

傘運我覺得最難過嘅係有啲人因為政見unfriend,有啲可能係識咗幾十年嘅朋友,唔值得喎!幾十年朋友可以因為政見拗到拍晒枱,但拗完係咪要絕交我就有保留。人生唔係樣樣嘢都係政治,唔需要斷六親。」

13lp2p1

(撰文:方浩文)(圖片來源:蘋果日報)

分類:|發表於2016年8月14日 下午6:06
請支持我們持續發展,透過PayPal或其他方法贊助我們!
金額:

發表評論

讀取中…
布袋澳兩男女墮海溺斃 疑男方救女友人同遇難