旅行終站|姚啟榮網誌

葉一知

-一知筆

中文、英文、通識教師,閒時寫作

生命真是無常!|葉一知網誌

2018-2-12 22:20
字體: A A A

自從幾個月前,有架城巴在深水埗剷咗埋路死咗幾個人,我搭巴士就有少許陰影。因為嗰條路,我成日都會搭巴士經過,而有啲城巴/新巴,態度真係幾差,架車好似舞龍咁。

我記得那次城巴意外後,有個的士司機經過條路,同我講,九巴唔收或做唔長的司機,先會去新巴/城巴,所以佢話嗰啲係垃圾司機。

我每次搭嗰條線,都會諗起呢單意外。

我知道,是因為我有了老婆仔女。我記得十幾年前,一架巴士從汀九橋跌咗落去,死咗21人(當時架車少人,死傷才較少)。那時我父母住屯門,久不久就要搭巴士入去。那時,我都沒有咁大恐懼。後生,就係乜都唔驚。

上星期,我搭九巴,又經過深水埗那邊。架車突然停站,九巴司機同全車乘客講:好對唔住,我要去廁所。跟住佢衝咗入茶餐廳解決。全車乘客都好體諒,你夾硬忍狂飛車,或影響判斷,我哋仲驚。

當你以為九巴真係好啲,點知,今次就到九巴出事。

我曾有一段時間自己開車,我好討厭駕駛態度奇差的司機,我成日覺得生命好無奈,我幾小心都好,都會有啲仆X司機可能危害你生命。我只能盡量小心,盡量平心靜氣,盡早判斷路面情況,睇吓有冇仆X司機在附近出現(你有路面經驗,好快你就SENSE到啲仆X)。

但原來,呢個世界可以有警察截停你架車去做路障,最後你想避都避唔到。

拯救生命的警察,變成危害生命。

生命真是無常!

(圖片來源:網上圖片)

所有博客及專欄文章只代表作者本人意見,並不代表本報立場。
分類:|發表於2018年2月12日 下午10:20
請支持我們持續發展,透過PayPal或其他方法贊助我們!
金額:

發表評論

讀取中…
王桂壎漏報持中移動股票 辭任通訊局主席