港鐵招標揭秘│高鐵不符歐盟安全標準 硬啃疑怕「得罪」內地鐵路局(二之二)

即時關注│鍾天祥迴避表達六四立場

2014-3-3 21:08
字體: A A A

《明報》首席執行總編輯鍾天祥今日正式到《明報》工作,根據明報員工關注組facebook專頁的近況更新,《明報》今日至少有數十名編輯部員工,在下午約6時齊集鍾天祥的辦公室門外,要求他回應幾個關鍵性問題,鍾天祥最後以趕往開會為由離開。

以下是明報員工關注組紀錄的提問節錄,問為員工,答為鍾天祥(以明報員工關注組原文為標準):

「涉及辦報立場的問題」
問﹕你將來會否將明報變成親政府的建制派報紙?
答﹕我唔知呀,我宜家都唔係老總,老總係呢度。(即指當時站在他身旁的張健波)

問﹕鍾生對明報會唔會變成親政府報紙,佢答唔知道,我諗同事心裡面會有較大疑慮,我唔知鍾生會唔會……佢宜家崗位,講佢點睇。
答﹕宜家老總係張波,我都唔知幾時做老總,或者唔做老總,或者聽日唔見左,我都唔知(員工﹕你想唔想?)好多人講,聽天由命啦,唔好意思。

「涉及六四的問題」
問﹕你對平反六四的個人看法?
答﹕六四係咁睇嘅,六四發生時1989年6月4日,我係《亞洲週刊》馬來西亞嘅特派員,我記得我頭先同第二啲同事講,那個咩人,袁木呀,話無死過人,期《亞洲週刊》有8頁photo story,好多死人報道,自從日起,《亞洲週刊》就不得北京賣。當時《亞洲週刊》係Asiaweek,Asiaweek係Time Magazine,所以我地都好shock。呢個時候,六四比我好深的印象,我就知香港每年六四都係好大件事,呢啲我哋知你哋感情,我哋知呢邊發生嘅事,就係咁嘅。

問:﹕支唔支持平反六四?你知道我哋感情。
答﹕知啊。(知為音)
問﹕支唔支持?support。
答﹕我個人感情如何我覺得唔係好重要,係你地present個story,我當日我主持嘅,我睇news story,我係news man。(員工﹕如果係都可以繼續做頭版?有新聞價值的話?)係呀,一定係睇新聞價值嘅,唔通睇咩啊,我睇張波咩?我睇我自己咩?唔會架。

明報員工關注組表示,雖然鍾天祥對各問題均有回應,但關注組認為他態度迴避,沒就是否支持平反六四表態,亦對《明報》會否變成親政府的建制派報紙表示「不知道」。關注組對鍾天祥含糊其辭的答覆表示極度遺憾,而他「不知道」《明報》會否變成親政府報紙更令在場員工震驚及非常不安。

關注組在提問後即時把關注組的三大訴求,包括盡快召開員工大會,回應同事的關注;爭取管理層簽署實踐新聞自由的約章;以及公開交代出任總編輯的意願、時間及有關詳情。關注組透過書面交予訴求予鍾天祥,促請他在一周內回應,否則不排除有後續行動。(21:15更新)

(明報員工關注組facebook圖片)

請支持我們持續發展,透過PayPal或其他方法贊助我們!
金額:
分類:|發表於2014年3月3日 下午9:08

發表評論

讀取中…
林奮強:當初我以為(《預算案》)有幾個亮點,點知原來亮點一個都無,概念上的黑洞就有幾個。