9歲小孩間尺當劍 神經質老師要警察介入│杜連魁

「519」30週年 香港仲有冇大奇蹟日?│皇甫清

2015-5-18 23:09
字體: A A A

明日就係港隊於世界盃亞洲區外國賽作客北京、最終反勝中國隊2:1嘅「519」事件30週年,不少球迷至今都對呢場比賽津津樂道。30年過後,2018年世界盃亞洲區第二階段外圍賽抽籤,香港又再遇上中國隊,港隊有冇得好似《大時代》方展博咁博到個「大奇蹟日」?

先睇數據,根據國際足協今個月7號嘅排名,而家中國排第82,前後嘅國家為巴拉圭同白俄羅斯,卡塔爾就排99、馬爾代夫排140,不丹高5位排163,香港不幸地係最低排169,咁照牌面睇都係中國同卡塔爾爭出線嘅。

咁香港會唔會有大奇蹟日?姑且唔講數據講政治,回想30年前《中英聯合聲明》剛簽署,中國剛剛改革開放,香港已是國際城市,就咁秤真係「咁高咁大」,甚至香港在上中國在下,自然「唔使卸你」,反勝就反勝,學似蔣麗芸讚高永文咁講「嘩,幾man呀!」

之不過19年過去,2004年香港又喺2006年嘅德國世界盃外圍賽,沙士過後,特首董建華「成功爭取」CEPA及自由行等惠港政策。自始老董就日夜大喊「背靠祖國」,連時任總理嘅溫家寶都公開暗串過話「董先生又向我提出進一步幫助香港經濟發展的一些要求」,當「香港人」變成「港燦」,叫你幫吓手,仲邊有得托手踭?

「出得嚟行,始終要還」從來都係金科玉律。如今由「一男子」帶頭,香港人全面臣服於「阿爺」的腳下,乜嘢都予取予攜,由政治到經濟到機會到日用品到學位甚至語言,都要仰阿爺鼻息,兩場球賽啫,easy啦!

講到尾,還望今次中國啲通訊設置同埋啲運算系統好返些少,唔好好似2004年咁完一輪入球騷先發現唔夠數,結果中國最後輸自己唔熟書,一球飲恨出局之餘,香港亦白吞呢場最大嘅敗仗,而「大奇蹟日」就由同組嘅對手見證。

(圖片來源:皇甫清)(圖片來源:蘋果日報)

請支持我們持續發展,透過PayPal或其他方法贊助我們!
金額:
分類:|發表於2015年5月18日 下午11:09

發表評論

讀取中…
曾俊華講大話插毓民  恨做特首竟丟掉誠信│8仔