翟紹唐撐袋住先要答三問題 亂談民意示範董朝思維│范中流

讀者投稿

《852郵報》歡迎讀者投稿。請將稿件電郵至 editorial@post852.com。電郵來稿者請註明文題、筆名、個人資料及作者簡介。讀者投稿文章的觀點均來自作者,並不代表本報立場。編輯部保留對所有稿件的篩選及編輯權利。

讀者投稿|Wotan:香港中產的諸神之黃昏

2015-5-24 15:54
字體: A A A

自從梁振英上台後,港共政府同中共就不停測試香港人嘅底線;香港嘅中產,亦不斷表現出佢哋息事寧人嘅特性,處處忍讓。當然,坊間有一種睇法,就係話中產離地,可能諗住炒完樓有錢就移民,理得你死嘅態度,所以就練成息事寧人嘅生存方式。

不過,今次肖友懷事件,我就要提醒中產,如果繼續息事寧人,後果會不堪設想。

中產會話:我同意陳婉嫻講,肖友懷係無辜,應該可以特赦。不過我想提醒你,香港今時今日擁有嘅好多權益,例如海外旅遊嘅免簽證待遇,又甚至有獨自嘅移民配額,唔係因為有中共照顧香港,亦唔係港共有本事,實際係食老本,即係人哋信英治時期傳落嘅質素。只要香港嘅出入境及移民政策出咗問題,香港嘅特別待遇就會即死。

舉個簡單例子,香港人(無論用BNO定係用HKSAR護照)可以免簽證去美國屬地關島,不過中共國人就唔可以,佢哋一定要申請到美國簽證先可以去關島。

關島立法院喺近十幾年,不停向美國政府爭取,話要美國批准中共國人可以同香港人一樣免簽證入境,美國政府一直唔批。而喺2011年尾,就有關島立法院議員爆響口講出原因,係美國政府驚中共派人以平民身份旅遊到嚟從事間諜活動。當時嘅關島立法院議員Judi Guthertz就唔同意,佢就話:
「Since Hong Kong visitors already enjoy a visa waiver to visit Guam, Guthertz said if the Chinese were primarily interested in spying, they could easily recruit operatives from this group.」(http://www.mvariety.com/cnmi/cnmi-news/local/42686-guam-senator-asks-obama-to-push-visa-waiver-for-chinese-tourists

時至今日,美國都唔批中國人免簽入關島境,係唔係怕有間諜活動,你我都唔會知。之不過如果真係怕呢樣嘢,而重容許香港人免簽入境,應該係覺得香港人唔會咁做。不過,當肖友懷呢類同香港無直接關係嘅五非人士(即父非香港人;母非香港人;非香港出生;非法入境/假證/他人證件入境;及非法居留),只係一句無辜就獲得特赦而得到香港身份時,你會覺得美加澳紐歐洲 …重會唔會信香港人呢?佢地會唔知個 HKSAR 護照同身份係憑乜得嚟。就咁,香港嘅免簽可能會被取消。

中產可能話:車,最多去少啲旅行,又或者去中國玩囉。Well,當外國覺得再分唔到邊個係真正香港人,同邊個係殖民香港人時,香港人擁有嘅移民配額就可能會被合拼入中國移民配額入面。以美國為例,如果香港人以第二類技術移民方式(EB2)申請綠卡,會即時處理,約一年後應該會知結果;如果係中共國人,條隊就要等三年(現時係2015年5月,而現時做緊2012年6月嘅cases)。當香港嘅獨自配額消失,香港中產想移民就難上難。

咁中產應該點做?如果唔想到時想離地都離唔到,就唔該出聲去捍衛香港人這身份,唔好再息事寧人,如果唔係,到時就後悔莫及。

(撰文:Wotan,旅居北美香港學者)(圖片來源:《蘋果日報》)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年5月24日 下午3:54

發表評論

讀取中…
白警向黑人開49槍獲判無罪 克里夫蘭爆示威