馬航裁6000人 削長途機主打中轉服務

林鴻達

-林離盡誌

從香港出現第一部中國製造巴士開始,到參與人生第一場保育運動,甚至近年投入時評寫作,充斥著離經叛道的思想,誓要突破框框 請忘記689的點相,文字、聲音、映像背後,也不過是尋常的香港人

林鴻達網誌│司機多蠢材,因為運輸署殘障的腦袋

2015-5-26 16:14
字體: A A A

上一篇講九巴製造蠢材司機,提到九巴的硬膠管理手法是原因。但是,要考取巴士、中/重型貨車等商用車駕駛執照的先決條件,是要持有私家車(1)/輕型貨車(2)執照三年。但呢三年無揸過車,即俗稱「雪藏牌」的,也可以應考。以這邏輯,不單純是「蠢材司機」另一個成因之外,也增加道路安全風險。即使是「P牌」制度,也僅是應用於考到1, 2 牌之後的一年;要是「新手牌」在第二年才駕車,也無需掛上「口水肩」。即係話,無論係乜嘢車,坐响司機位嘅隨時都係零路面經驗的蠢材。

看到這處,是否覺得香港馬路其實係好狠恐怖嗎?

或者你會諗到點解運輸署會容許「雪藏牌」司機出現,甚至可以駕駛運載近100條人命嘅巴士;點解唔可以設立一個好似飛機師考核制度,規定要有實質駕駛記錄、肯定累積相當路面經驗才可以應考巴士、中/重型貨車牌照?撇除「中國人」愛鑽空子、走法律罅做假,要真係有效執行,有非常多的資料核對工作,例如揸過嘅車牌號碼係咪真、登記車主同個「新手牌」係乜嘢關係,而且要做的記錄隨時三五七年….. 行政成本會非常高。簡單啲講:根本唔可行。

言下之意,豈不是「新手牌」、「雪藏牌」的道路安全危機風險無辦法解除?

揸開車或者乘搭公共交通公具,見到前面有一部「學神」蟻躝式行駛、响路口慢幾十拍先駛出,總會覺得佢哋阻住晒、不耐煩。這就是「新手牌」、「雪藏牌」的問題根源。即係點?

眾所周知,香港負責交通運輸的官員總有著一套「慢就是安全」的思想,並認為「學神」乜都唔識,所以應該慢上加慢。所以學車、考牌時車速只能在大約30km/h,出路口要望到完全Clear 先可以駛出,甚至「停 STOP」標誌一定要拉手掣……

但實際駕駛情況,莫說在快速公路行慢啲都不斷俾車「冚」,即使在彌敦道,「順燈」車速隨時唔覺唔覺已經60km/h或以上;出路口、入迴旋處時望到兩邊嚟緊嘅車仲有6-7個車位已經抽出去。甚至以小弟身為過來人,揸住一架載滿66個乘客長12m 的旅遊巴士,在快速公路「定油」輕踩油門維持穩定行駛,車速隨時超過80km/h;要守法唔超過70km/h,就要「縮腳」(即係經常要鬆開油門腳踏),搞到會chok 過林峯。試問考牌同實際駕駛是完全兩回事,「新手牌」、「雪藏牌」點會唔係一個蠢材司機?!所謂「慢就是安全」的思想,不單是蠢材司機的根源問題,亦與今時今日嘅汽車科技同性能表現完全脫節。香港嘅考牌制度的要求,以至負責交通運輸的官員的腦袋是非常落後。

現時嘅考牌制度根本只在考核是否懂得操作汽車,而不是在馬路上駕駛汽車。一日唔改變呢種做法,一日都只會繼續周街都係製造道路危機嘅蠢材司機。至於要點改,還是哪句「我不是支取運輸署署長薪水」!最多補充一句「仲係繼續『慢就是安全』就必定繼續出事」。仲有,現今重型車的手動波箱已經有晒 Synchronize gear,上高波唔駛「兩腳極力子」架喇,唔該啲官個腦唔好再停留响半個世紀前啦!

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年5月26日 下午4:14

發表評論

讀取中…
黎廣德計算 停建高鐵的經濟效益明顯較大