劉山青網誌│《南方都市報》挑戰中共底線

讀者投稿

《852郵報》歡迎讀者投稿。請將稿件電郵至 editorial@post852.com。電郵來稿者請註明文題、筆名、個人資料及作者簡介。讀者投稿文章的觀點均來自作者,並不代表本報立場。編輯部保留對所有稿件的篩選及編輯權利。

讀者投稿|陳假:永遠的香港傳奇10號

2015-6-15 22:25
字體: A A A

1985年5月19日,香港足球代表隊為奪得世界盃出線權遠征北京作客與中国隊決戰,當時全世界都認為香港無得打,認為中国無論體能實力都有壓倒勝優勢;雖然一面倒睇淡,但係香港隊並無因此而妄自菲薄,奮力為香港而戰。

場波一開始,鄰国球員以為食硬香港隊,窮追猛攻,但係香港隊沉著應戰隱守陣地,攻極都唔入,吹咩。鄰国隊員見久攻不下,自尊心受損而開始沉唔住氣,點知仲俾港隊前鋒劉榮業把握到機會進攻,鄰国球員啖氣仲點忍得落,門前30碼就顯出強国本色一嘢勾跌劉榮業。你估你強国真係大晒咩,勾跌人咪罰球囉。

鄰国隊員以6人人牆防衛,而港隊派出一位球員開出罰球,依位球員攞起個波然後細細聲叫咗一聲「細鬼」,之後依位球員就一個神級後傳交波畀「細鬼」張志德,「細鬼」一腳百步穿揚射穿鄰国龍門,香港隊1:0領先。

開罰球依位咁冷靜機智嘅球員就係由西瓜波踢起,到香港4屆足球先生,永遠的傳奇10號胡國雄先生,係地利人和都畀比下去嘅情況下,最後以2:1戰勝鄰国,寫下香港足球界最輝煌一頁。依場波唔只為香港人爭光,更加激到鄰国人民表現出高尚情操,係球場燒垃圾、周街打爛野嘢都不突止,仲襲擊附近嘅外國人,如果今日俾香港人見到鄰国人畀人激到紮紮跳都唔知點算。

胡國雄先生唔只係一代球王,對香港足球可謂貢獻良多,話佢係香港英雄都絕對當之無愧,可惜他在2015年6月15日辭世,依位香港傳奇絕對值得香港人記念,希望係2015年6月16日香港對馬爾代夫球賽中,大家可以為胡國雄先生起立鼓掌以表敬意,亦對為香港爭一口氣嘅香港足球隊打氣。

(利申,本人明天進場觀賽)

p.s.: 5.19之戰嘅教訓就係香港人絕不能妄自菲薄
仲有,記得星期三政改表決

(撰文:陳假)(《蘋果日報》黑白圖片)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年6月15日 下午10:25

發表評論

讀取中…
《吸血》女星戀女助手 阿媽讚好出櫃│皇甫清