中央再出手 限制期貨交易量

陳建平

-Video on Demand

歡迎光臨「Video on Demand」,每個星期,小弟都會在此分享至少一段video,然後天南地北,什麼都可以說,什麼都可能寫,希望大家笑納。

陳建平網誌│《殺破狼2》觀後感:導演有心思 不斷呼應第一集

2015-7-6 22:11
字體: A A A

每次我告訴別人我很喜歡《殺破狼》,通常只會換來不屑的反應:「呢啲打嚟打嚟的戲有咩咁特別呀?」一聽到呢句,我就會冷笑幾聲,因為佢地根本冇認真睇過《殺破狼》,自然唔知當中文戲之精彩(例如電影其實是描寫父愛)。老實講,你見《殺破狼》編劇係司徒錦源(寫過《一個字頭的誕生》、《暗花》),就知一定唔會差。

所以,來到《殺破狼2》,我最初其實好擔心。因為編劇換咗,導演亦是剛剛拍完膠戲《西遊記之大鬧天宮》的鄭保瑞,仲要我知《殺破狼2》會喺大陸上映,所以我好怕佢為左滿足13億同胞的口味,而會拍一套只係打打打,感情生硬造作的電影出黎。如果係咁,我會對「殺破狼」三字蒙上陰影。

但結果令我好驚喜,《殺2》的文戲原來比《殺1》還要多還要好,吳京和Tony Jaa的演技令我刮目相看,劇情大抵來說都是合情合理,剪接流暢明快,感情描寫恰到好處唔扮野。而且,最重要的一點是,其實《殺2》在許多方面都在和應第一集,導演和編劇的心思,實在值得一讚。身為一個fans,我大致整理了以下比較:

《殺1》:「父親」是主題,尤其係大奸角洪金寶,雖然壞事做盡,但對著孩子時卻極度慈祥善良。
《殺2》:都係「父親」做主題,Tony Jaa明明係好人,但救了愛女,一度跟張晉合謀販賣人體器官,幸好最終醒覺。

《殺1》:吳京係狠毒殺手,成套戲一句對白都冇,淨係不斷殺人。
《殺2》:張馳(白眉佬、古天樂手下)係狠毒殺手,成套戲一句對白都冇,淨係不斷殺人。

《殺1》:吳京極度血腥,最初仿似無敵,一個人殺晒廖啟智、夏韶聲和張智堯三個警察。
《殺2》:張馳極度血腥,最初仿似無敵,一個人殺晒林嘉華成team警察。

《殺1》:奸角吳京大戰好人甄子丹時,奸角用匕首,好人用短棍(我唔知學名叫什麼sorry)
《殺2》:奸角張馳大戰好人吳京時,奸角用飛刀(和匕首相似),好人都係用短棍。

《殺1》:奸角洪金寶最後爆玻璃推甄子丹落街。
《殺2》:奸角張晉最後爆玻璃推吳京落街。

我暫時係諗到咁多,但anyway,我睇得出,導演係好有心機咁拍呢套電影,《殺2》絕不遜於《殺1》,甚至是更好。

(《殺破狼2》fb圖片)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年7月6日 下午10:11

發表評論

讀取中…
北京首間知青博物館開幕 評論員:或助燃左傾思潮│皇甫清