《金融時報》:中國跌市威脅共產黨可信性

鍾樹根指梁特「個人有問題」 願考慮林鄭譚耀宗當特首│丘偉華

2015-7-7 13:54
字體: A A A

近日頻頻上電台節目的民建聯立法會議員鍾樹根,今早在商台節目上更剖白他心目中的特首人選。他直指梁振英「佢好有心,但有啲嘢做唔到囉!」除了外在因素外,「佢個人都有問題,(他上任後)當時嗰啲政治嘅嘢太多,變咗佢想推到好急呢,咪畀好多人捉住佢啲嘢嚟砌囉」。鍾樹根坦言,回顧過去三年,梁振英可謂「大志難成,好多嘢想做但做唔到」。

但他表明,若只有財政司司長曾俊華與梁振英讓他選擇,「咁冇辦法個喎」,「咁你即係迫我投梁振英囉!因為我覺得曾俊華佢做財政,都係跟前朝嘅嘢,冇乜新意」,「佢都係『蕭規曹隨』」;若是前財政司司長梁錦松,「咁我又唔知佢正直上面有啲乜嘢野喎!」

反而政務司司長林鄭月娥「就真係有得諗喎!依樣要秤下喎!」但若是民建聯前主席譚耀宗,「咁梗係譚耀宗啦!」

當然,以鍾樹根目前在民建聯的地位,固然毋須將他個人的看法,看成是民建聯為往後特首選情「試水溫」;事實上,民建聯在2012年特首選戰階段,在工聯會先表態支持梁振英後,才緊接宣布跟隨,可見他們單在特首選情方面,也未必能第一時間準確掌握北京旨意。

(撰文:丘偉華)(原圖為YouTube截圖)

請支持我們持續發展,透過PayPal或其他方法贊助我們!
金額:
分類:|發表於2015年7月7日 下午1:54

發表評論

讀取中…
滬深股同跌 新華社:銀行股兩桶油救市無效