陳頌紅網誌│自戀男的催命符

謝頌昕

-呃你十年

人,最易寫,又最難寫。即管寫寫看,說中了,就俾個LIKE;說不中,就當我呃你十年吧!

謝頌昕網誌│在此再一次多謝曾經教過我嘅副學士老師。

2015-7-15 09:30
字體: A A A

今日係DSE放榜,相信唔少同學們都諗緊後路,例如報副學士之類,咁我都藉此分享吓讀副學士嘅經驗。

高考放榜前一晚我走咗去睇波(高考放榜通常都係六月尾),絲毫唔覺得緊張,唔係因為我勁,而係未收到張成績單都預咗自己讀唔到大學,事關當時有人話過,唔係學會會長、社長或者head prefect,大學都唔會收,因此對課外活動毫無興趣、兼冇做過任何領袖生嘅我,都已經預咗循副學士升返大學。

升到上副學士,我終於明白自己都係香港考試制度嘅一個犧牲品,因為所謂考試成績好,其實係識玩佢個遊戲規則,背得多、寫得多就實食冇黐牙。不過呢個方程式喺副學士係用唔著,因為你要做好一個project就要努力地搵料睇書,好考你平時睇嘅嘢夠唔夠多而廣,若然你只係一個跟循考試範圍去讀書嘅人,嗯,你最少要好努力咁去追囉。對於討厭為考試而讀書嘅我而言,副學士可以話開正我嗰瓣。

毫無疑問,讀副學士係我讀書生涯中最開心嘅兩年,因為全部都係我愛讀嘅科目,而且老師們都好用心咁教,所學嘅嘢受用至今。可能你會問:同讀大學有咩分別?好簡單,大學嘅老師最大嘅價值在於發表到幾多論文,有幾多publication,教班undergrad,分分鐘對佢哋嚟講係苦差;但相反,副學士嘅老師主要工作就係教書,咁你話,邊個有心機教多啲?

睇到呢度,若果你覺得讀副學士升讀大學好容易,咁你又錯,因為呢兩年其實係非常辛苦,話就話讀四個學期,但升大學主要係睇頭三個學期嘅分,衰咗一個學期,之後嗰兩個你都要付出更多倍嘅努力去追分。所以揀得讀副學士,一定要抱住破釜沈舟嘅心態去讀,否則就不如慳返兩年錢。

在此再一次多謝曾經教過我嘅副學士老師。

(圖片來源:維基百科)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年7月15日 上午9:30

發表評論

讀取中…
為什麼人類要親吻?│杜連魁