陳源網誌│最新一集《未來戰士》變「保守戰士」

梁特「嘿嘿嘿」 有乜咁好笑?│皇甫清

2015-7-15 23:14
字體: A A A

昨日寫咗個「梁特我本人」,令到大家「開心大發現」咗梁振英嘅口頭禪,既然咁開心,就唔好俾佢停,今日就講吓梁特呢排做咩咁好笑口。

如果大家近三個月有睇過佢嘅片段,都會發現佢成日都笑口常開。第一個出現於4月27日,亦係大家成日quote嘅「有時係忍唔住笑」,當時佢出席勞動節酒會,睇住社民連梁國雄一邊舉標語抗議,一邊畀保安拉走;梁振英講完呢句之後仲要加幾聲乾笑。

一個月後梁振英出席立法會答問大會,民協馮檢基問佢,政府多次叫泛民議員尊重民意,跟隨民意支持政改方案,但假如有民調顯示,反政改嘅人較多,特區政府會否收回「831方案」。好正常嘅一條問題,唔知點梁振英就係咁笑,我強調,係咁笑,笑到講唔到一句完整句子,話指「哈哈……『831方案』唔係特首的方案……哈哈……『831』也不是一個方案,而是人大常委會的決定…哈哈」。其實馮檢基當時應該追問,笑點何在?

唔知係咪七一人數大減,令到梁特心情大靚,今個月清仔就已三次成功捕獲佢燦爛嘅笑容。9日出席本立法年度最後一次立法會答問大會,公民黨郭榮鏗問佢會否不尋求連任,佢就一路陰陰嘴、笑住咁聽完成條問題,之後就祭出萬能key「不符基本法」,反指對方條問題不存在。

到本週一,梁特上京見人大委員長張德江,之後見傳媒,有傳媒引述消息問佢係咪「求見」張德江同埋下年一月下台,佢就笑咁話部份香港傳媒「造謠成性」,又笑住話張德江高度肯定、十分滿意他的工作。不足24小時,梁特昨日開行會前見記者,有記者問新華社未有喺報道入面,提及佢同張德江會面,會否覺得不被肯定。佢先畀三聲「嘿嘿嘿」,之後先笑住答話香港傳媒會報道。

清仔唔係心理學家,唔識分析梁振英為乜笑同埋為乜咁笑,不過就諗起亞視一段幾經典嘅劇情……

(撰文:皇甫清)(圖片來源:無綫新聞截圖)

請支持我們持續發展,透過PayPal或其他方法贊助我們!
金額:
分類:|發表於2015年7月15日 下午11:14

發表評論

讀取中…
五間基金公司獲中共2000億救市│廣雅仁