隔夜水有怪味　點解嘅？│杜連魁

小杜這裡說的隔夜水，不是某「管線專家」講飲嗰啲，飲水喉入面那些「隔夜水」。小杜說的，是夜晚臨瞓前個杯飲剩少少水，第二朝剩番嗰啲隔夜水。

由於小杜晚睡早起，朝頭早總會糊裡糊塗飲咗呢啲隔夜水，然後硬係發覺有陣怪味，但就說不出一個原因來，難道水也會過期的嗎，飲咗會唔會中毒（鉛毒唔計）？

美國Discovery News一個科普節目就發現，把水長時間暴露於空氣之中，確實會讓水質輕微改變，因為部分二氧化碳會融入水中，令水質輕微變酸，令到水的味道會有所改變。這一點也解釋了，瓶裝水為什麼也會有過期的一天。

不過，這些微酸隔夜水基本上對身體無害。當然，前提是只是「隔夜」。倘若再過多幾天，就不能排除細菌、蚊蟲滋生的可能性了。

一句到尾，起身都係倒走個幾滴水啦。

（撰文：杜連魁）（原圖：網絡圖片）