陳頌紅網誌│你也曾在工作中痛失自我吧?

馬恩國話要用刑事門檻作判斷 監警要做埋法官?│皇甫清

2015-7-20 23:25
字體: A A A

監警會呢幾日又成為新聞頭條,因為監警會早前裁定警司朱經緯去年佔領行動期間,用警棍毆打途人嘅投訴證明屬實,但投訴警察課唔同意結論並據報提出新觀點,監警會於是向委員再發資料,並重新以電郵形式表決。

要求再開會討論案件嘅監警會委員兼「幫港出聲」成員、大律師馬恩國就提出,毆打屬嚴重指控,應以入罪要求較高嘅刑事門檻作判斷,即係話要喺無合理疑點下,先可以認為朱經緯有毆打行為。

堂堂大律師咁講,真係當堂嚇一跳,然後得啖笑。正如監警會主席郭琳廣都話,監警會處理投訴素來都係用「相對可能性衡量」嚟決定投訴是否成立,而2013年監警會嘅通訊就講過一單case,一個高級警員被投訢揑造警誡供詞內容,雖然政府化驗師嘅報告不能夠確定警誡供詞內該項修改嘅時間,而律政司亦因證據並非毫無疑點,而決定不對該名高級警察作刑事起訴。不過就投訴調查而言,監警會應以「相對可能性衡量」為舉證標準,因此仍然有足夠證據證明指控。

其實就算唔講條文,單用常識都諗到,如果真係用刑事門檻作判斷,而最後投訴又成立,係咪即刻可以判朱經緯毆打罪名成立,即時收監?

(撰文:皇甫清)(圖片來源:香港電台)

請支持我們持續發展,透過PayPal或其他方法贊助我們!
金額:
分類:|發表於2015年7月20日 下午11:25

發表評論

讀取中…
讀者投稿|築蟲@思政築覺:鉛田七少年事件簿