監警會今晚再討論朱經緯案 陳健波:好多情境過往已考慮

高志森:其實,食多兩隻皮蛋都含鉛嘅啦⋯│皇甫清

2015-7-22 17:23
字體: A A A

鉛水風波到而家,政府同政黨都繼續抽查不同住宅項目嘅水辦,甚至為居民驗血,確保食水同血液都唔會含鉛量超標。不過與此同時,都有唔少人喺外圍話其實好多大家接觸到嘅嘢都會有鉛。

最新一個例子就係導演高志森,佢昨晚喺fb度話:「其實,食多兩隻皮蛋都含鉛嘅啦⋯」,又強調旨在提醒大家要小心食落肚嘅嘢。姑勿論佢講呢句話係咪為咗替事件降溫,不過有一點要介紹返嘅,就係皮蛋同鉛嘅關係。根據2006年嘅《選擇》,消委員測試咗19款皮蛋,當中只有7個樣本驗出砷或同時驗出鉛,但含量遠低於法例規定嘅最高准許濃度。
Snap 2015-07-22 at 16.25.53
所以高志森嘅fb status嚴格嚟講係冇錯,皮蛋真係有鉛,但同今次食水含鉛風波的嚴重程度差好遠,首先食水嘅焊料本身就唔可以含鉛,其次食水嘅含鉛量係超出世衞標準,更重要嘅係,已經有市民嘅血液含鉛量超標。

說到最後,就算我哋身邊有唔少嘢有鉛嘅成份,係咪就代表可減輕今次食水含鉛風波嘅嚴重性呢?相信大家都答案喇!

(撰文:皇甫清)(圖片來源:YouTube截圖及維基百科)

請支持我們持續發展,透過PayPal或其他方法贊助我們!
金額:
分類:|發表於2015年7月22日 下午5:23

發表評論

讀取中…
常委劉雲山兒子或涉股災 辭任新華保險董事│廣雅仁