游清源 • 林行止導賞:蔣介石為何會寫57年日記?

田少親回曾鈺成fb 維港都被你抽乾了│皇甫清

2015-7-23 17:19
字體: A A A

立法會主席曾鈺成今日喺《am 730》個專欄同大家探討一個領袖應該有咩特質。佢話IQ、EQ同CQ都係必不可少嘅,如果一個領袖只係IQ高,「或因恃才傲物、跋扈囂張,或因放蕩不羈、目中無人,令和他交往的人難受、反感」,所以同時都要有EQ同CQ,云云。

曾主席平日都習慣喺fb轉載返自己啲文章同訪問,並且會喺「開心些牙」嘅同時,喺個status度引述返部份內文。今次佢引述嘅部份就係「能力高超的人不一定得人喜愛。很多時恰恰相反,事業有傑出表現和成就的人,或因恃才傲物、跋扈囂張,或因放蕩不羈、目中無人,令和他交往的人難受、反感,即使因為佩服他的才能,甘願相隨,也不會從跟他合作的經歷中得到甚麼樂趣。如果這樣的人當了一個團隊的領袖,而團隊裡又無人可以補救他的缺陷,這個團隊便不可能維持良好的士氣,不可能發揮團隊裡每個成員的積極性。」

點解阿曾主席要quote呢段,同埋quote畀邊個睇,吾等局外人就當然無從稽考啦,不過自由黨田北俊就似乎好有感受,留言話「阿成,我一直認為你做主席好叻,估唔到你抽水同我一樣咁叻!哈哈!」呢個留言相信係田少親自留嘅,因為文末有個J字(田少英文名正是James),外國政要如希拉莉,親自喺社交網站留言嘅話,通常都會喺文末寫自己個名嘅簡寫,以正視聽。
Snap 2015-07-23 at 16.16.49
不過話分兩頭,今日田北俊同田北辰個fb admin應該都幾忙,輪住同《100毛》玩互動,事緣《100毛》話想請田少做佢哋嘅fb admin,tag埋「田北俊的細佬」田北辰幫幫手,田二少認真回之餘,田少仲問呢個位「人工係咪高過劉華先?」
Snap 2015-07-23 at 17.05.21Snap 2015-07-23 at 17.05.45
邊個劉華先?

(撰文:皇甫清)(圖片來源:曾鈺成、田北俊及田北辰fb)

請支持我們持續發展,透過PayPal或其他方法贊助我們!
金額:
分類:|發表於2015年7月23日 下午5:19

發表評論

讀取中…
北京公安圍剿「斯巴達勇士」 網友笑稱壯男太不濟│廣雅仁