練乙錚:「老愛國」繼續開火 「新愛國」多人品低下有理由│彭鐵穎

田少fb又搵豬串建制派 大家畀豬唞吓得唔得?│皇甫清

2015-7-27 13:04
字體: A A A

玩fb玩到出神入化嘅自由黨田北俊昨晚12點又發功。話說昨日有報章引述消息指,北京官員對政改表決當日建制派為「等埋發叔」而集體甩轆唔投票一事有新解讀,認為自由黨唔跟隊離場,事後仲冷嘲熱諷先係唔團結嘅表現。

田北俊「開心share」呢段新聞時,仲加咗句comment:「其實D豬都蠢唔晒,仲識賴落我度。不過… 反應慢咗D囉,用咗一個幾月先諗到。」

查實甩轆事件發生之後冇耐,都陸續有「伏已深中」嘅建制派走出嚟暗示,自由黨當時合群些少嘅話就唔會出事,田少細佬、新民黨田北辰甚至仲試過短時間內「連環車」大佬,話啲唔離場嘅議員就好似自己跳上救生艇,任由餘下嘅33名船員葬身大海,事後仲要自鳴得意。不過今次特別之處就係呢個定調係來自「北京官員」嘅研判。

話分兩頭,啲「豬豬」近排都好忙,除咗喺田少嘅fb「老是常出現」之外,立法會主席曾鈺成昨日「幫弟出聲」,批評政府有「蠢人」放料,造謠抹黑佢細佬、前民政事務局長曾德成係抵炒有餘,喺電台鬧之餘,仲要喺fb寫明話係畀「豬一樣的隊友」。

不過其實都有唔少研究都指出,豬智商一啲都唔低,甚至比狗同猩猩都聰明,見到香港「豬豬橫行」,可能唔止香港人,連豬本身都唔住話「你哋畀我唞吓得唔得呀?」

(撰文:皇甫清)(圖片來源:田北俊fb)

請支持我們持續發展,透過PayPal或其他方法贊助我們!
金額:
分類:|發表於2015年7月27日 下午1:04

發表評論

讀取中…
全球十大點題新聞(27.7.2015)