曾德成遭踢走讓權高靜芝 青年民建聯即見面交心│丘偉華

《大公》引葉國謙馬恩國批港大 「先知」盧寵茂早知「校外人干預」?│皇甫清

2015-7-30 23:12
字體: A A A

又到臨瞓笑一笑嘅環節。港大校委會星期二晚開會,通過維持「等埋首席副校」嘅決定,繼續延遲任命副校長嘅決定,跟住學生就衝入會場抗議,委員之一嘅盧寵茂就話右膝痛要入院。

得有呢啲衝突場面,自然就係一眾建制派媒體嘅至愛,大書特書啲學生係暴徒,「紅衞兵再世」諸如此類。愛國報章《大公報》繼昨日頭版講盧寵茂倒地受傷後,今日嘅A2版就引述「各界」意見,例如民建聯主席李慧琼同黨團召集人葉國謙、青年民建聯主席顏汶羽、新民黨主席葉劉淑儀、工聯會副會長潘佩璆、自由黨主席田北俊、港區人大代表黃友嘉同王庭聰,同埋大名鼎鼎嘅大律師馬恩國。佢哋嘅意見不外乎都係話唔認同同學們嘅行為,表示心痛及失望,用肢體及言論暴力擾亂秩序等,馬恩國仲話佢哋咁做「很有機會」觸犯非法禁錮罪。

法律觀點呢啲嘢,清仔唔敢多講,但睇返呢幾位嘅background,都係得葉劉同潘佩璆係港大校友。須知道,盧寵茂喺開會之前,曾經批評過有啲「校外人」喺度干預校政,唔通佢講嘅「校外人」就係上述幾位?

不過睇返盧寵茂當日嘅「校外人」,其實係暗指發起聯署嘅港大校友,咁咪即係連葉劉同潘佩璆都中埋?

(撰文:皇甫清)(圖片來源:香港電台、中澳法學交流基金會及蘋果日報)

請支持我們持續發展,透過PayPal或其他方法贊助我們!
金額:
分類:|發表於2015年7月30日 下午11:12

發表評論

讀取中…
王永平張志剛點出特府陽謀 首副將(被)不需副校協助│彭鐵穎