劉江華開金口　「多啲運動、少啲爭拗」│皇甫清

被視為「沉默是金」典範嘅民政事務局局長劉江華，今日出席活動時開金口，大show金句。

話說佢今日出席「全民運動日2015」嘅活動後見傳媒，期間大爆金句話「社會能夠少啲爭拗，多啲運動，對整體社會、對個人都有好處」，因為人與人的相處，對身心健康都會好一點。

不過被問到港大微生物學系講座教授袁國勇上週五，喺辭任校務委員嘅記招上提及政治力量滲入校園，與及香港解決問題嘅能力近三年下降時，劉江華就回復「沉默是金」嘅「本性」，話拒絕評論。

「多啲運動、少啲爭拗」，不過早幾日香港明星足球隊先喺球場上同人打交，結果拉隊離場喎……

（撰文：皇甫清）（圖片來源：無綫新聞及YouTube截圖）