【有片】返屋企喺大堂見到撒亞人……│樂思施

強國相睇大會 女生當場落妝度胸│樂思施

2015-8-2 21:52
字體: A A A

黃子華話過「落咗妝都仲認得係『化妝』,落咗妝就唔認係『喬裝』」,不過唔少女士都仲係樂此不疲地「喬裝」,亦有不少男士因而「中伏」。

有見及此,杭州昨日舉行嘅一場萬人相親大會,就預備幾十個「金盆」,唔係畀大家洗手,而係畀女參加者洗面,洗走臉上厚厚嘅批盪,以真面目示人,搵一個唔以貌取人嘅Mr. Right。

其實咁玩都無傷大雅,但之後女生們仲要畀男生用軟尺度上圍,相信都冇咩人笑得出。呢頭話唔好以貌取人,嗰頭就度上圍,而且男女雙方都係素未謀面,點解女生就要好似貨品咁被人評頭品足?而且說到最後,女生要被度男生上圍,咁男生是否又應該搵樣嘢畀女生度一度?

(撰文:樂思施)(圖片來源:微博圖片)

請支持我們持續發展,透過PayPal或其他方法贊助我們!
金額:
分類:|發表於2015年8月2日 下午9:52

發表評論

讀取中…
大陸16歲維修員 被升降機監生夾死