梁特首，你學吓鄧忍光啦！│皇甫清

政府今日宣布，前亞洲電視新聞及公共事務部高級副總裁梁家榮，將會接任做廣播處長，明日履新。

現任廣播處長鄧忍光今日六點幾收工時間就出嚟會見傳媒，話梁家榮係一個非常有經驗同專業嘅傳媒人，相信佢會帶領港台依港台約章做好公共廣播。至於鄧忍光本人有冇帶領港台做好呢部份？明天佢又調邊個department？鄧忍光就冇回應喇。

鄧忍光明天起就唔再做廣播處長，last day出嚟見傳媒，畀人扑吓咪；一切睇落都好合情理。問題嚟喇，點解上兩個禮拜曾德成同鄧國威「被換人」時，佢兩位冇出嚟見傳媒，由頭到尾都係得特首梁振英出嚟頂？

當梁振英政府喺高官換人一事上，處理手法備受抨擊，其實梁特係咪可以考慮吓，向鄧忍光好好學習？

（撰文：皇甫清）（圖片來源：無綫新聞截圖及蘋果日報）