劉慧卿:衝港大校委會是「官迫民反」 學生應出來交代

Leo Choi(Movewheel)

-Leo吹

一個大專設計仔,旨在吹吹球壇樂壇,分享對香港嘅所思所想,然後引你睇。 FB Fanpage: https://www.facebook.com/LeoBlowHK

Leo Choi網誌│英超三個焦點收購

2015-8-7 17:56
字體: A A A

聽晚就係英超開鑼既大日子,我地呢D死忠球迷就梗係等睇波啦。未太了解英超格局既你如果想了解多少少,就要睇睇呢三個焦點球員喇,佢地分別加盟上季前三既球隊,話題性同挑戰性絕對十足。

上季冠軍車路士既傳奇門將施治,面對車仔陣容既改朝換代,又為咗家人留係倫敦生活,迫不得已轉會同城勁敵,阿仙奴,因為阿仙奴俾到佢足夠既正選機會。而施治俾到既,除咗穩健既後防線之外,亦都俾到冠軍球隊應有既老將經驗,奪冠無數既施治,能夠告訴長期無冠既阿記什麼是爭勝心態,細至臨場提點,大至經驗分享,將會係施治同阿仙奴之間值得留意之處。

初生之犢史達寧以4900萬英鎊極高身價,從利物浦加盟英超亞軍曼城。佢轉會市場開始就一直扭計,向舊會大跳草裙舞要求加薪,依家總算如願以償啦。他是今季曼城本土化收購最重要既一員,除咗要面對表現同身價是否成正比呢D壓力之外,亦都要面對球隊已有戰術,同個人死衝爛扭風格之間既磨合,呢位英格蘭最高身價球星,佢既一舉一動將會係曼城既焦點。

最後介紹既唔係一個收購(租借),係一個賭博:上季曼聯借用過,今季再由車路士借用既「哥倫比亞老虎」法卡奧。正在建立新皇朝既車路士,後防同中場都十分完整,可謂攻守兼備,只欠多一個致命攻擊手。上季迪亞高哥斯達(DC)來投,季初車仔既攻擊力可謂順風順水,但DC一傷,攻擊力旋即下降。老虎上季與曼聯位居後備較多,只得四個入球表現相當不對板,甚至連季後既美洲盃都俾其他球員搶走正選。適逢DC喺社區盾勇戰受傷,「自動」成為正選的法卡奧將會踢出甚麼表現,我地不妨期待。

(Leo吹 Fan Page 連結:http://facebook.com/LeoBlowHK

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年8月7日 下午5:56

發表評論

讀取中…
港台發言人避談 梁家榮持美國護照│范中流