又一「軍老虎」落馬 谷俊山靠出賣徐才厚獲輕判│廣雅仁

港大盡收5**狀元 成功統戰學校好和味│皇甫清

2015-8-10 21:54
字體: A A A

大學聯招今日放榜,港大認真威,盡收11個文憑試奪七科5**狀元,而8名在6科和數學科延伸部分取得5**嘅尖子,亦有6人被港大取錄;呢17 名尖子,有11 人讀醫,其餘6人分別讀工商管理學(法學)及法學、牙醫學、社會科學、政治學與法學等。

雖然正值暑假,但港大嘅新聞就冇停過,遴選副校長風波一事沒完沒了,不少人都話「港大冧,香港都冧」。清仔起初都唔明呢句話講咩,但見到呢張尖子名單就明白,又似乎看出個所以然:一個社會最頂尖嘅人全部都去晒港大。正所謂「擒賊先擒王」,雖然呢個比喻唔太好,但就精準地表達,要統戰社會最頂尖嘅人,有咩好得過由佢哋大部份人都會選讀嘅大學入手?無怪乎「有心人」無論如何都要「等埋首席副校」了。

不過話分兩頭,在此多事之秋,尖子們都情歸港大,但願佢哋都能抵住「有心人」嘅步步進迫,讓港大繼續成為尖子及其他有能者嘅心水啦!

(撰文:皇甫清)(圖片來源:港大)

請支持我們持續發展,透過PayPal或其他方法贊助我們!
金額:
分類:|發表於2015年8月10日 下午9:54

發表評論

讀取中…
DSC老闆夫婦返港被捕扣查