姚啟榮網誌│改變

如何以朱經緯邏輯為陸國榮辯護?│皇甫清

2015-8-10 23:19
字體: A A A

無記電視凌晨重播時段而家播緊王牌監製韋家輝1988年嘅作品《誓不低頭》,呢部劇最重要嘅一場戲,莫過於曾江飾演嘅陸國榮,因為抵受唔住舅母李香琴嘅冷嘲熱諷,斬死晒佢全家同埋謝文武(鄭少秋)嘅外母,而謝文武就因為呢件兇案坐咗14年冤獄(其實正確嚟講,成部劇都係因為呢單案而起)。

咁樣斬死六個人睇落就好難走得甩,不過27年後嘅今日,香港就出現咗一個神級邏輯,可以幫陸國榮洗脫一切罪責,建構呢個邏輯嘅,正係已經退休、拎緊長俸嘅前警司朱經緯,同埋不認為佢嘅行為涉及刑事成份嘅警方喇。

邏輯是咁的,根據朱經緯畀投訴警察課嘅口供,佢視警棍為手臂延伸咁樣去拍打市民,驅使佢哋向前行;而警方向律政司提交嘅報告就指,朱經緯嘅行動不構成刑事成份,因為只係執勤職務需要同埋無特定嘅襲擊目標。

由此路進,陸國榮就可以咁樣自辯:「當時舅母同埋謝文武個外母剪爛晒我啲衫要我走,我係有需要阻止佢哋;全屋啲人都死晒,就正好顯示我係見人就斬,冇特定嘅襲擊目標。至於把菜刀,我只係視之為手臂嘅延伸,去阻止嗰兩個女人剪我啲衫。」

就咁睇梗係覺得好笑,不過當朱經緯同警方真係以此邏輯作辯解,你又笑唔笑得出?

(撰文:皇甫清)

請支持我們持續發展,透過PayPal或其他方法贊助我們!
金額:
分類:|發表於2015年8月10日 下午11:19

發表評論

讀取中…
英大學學位「爭崩頭」 「延展科目」成新出路│杜連魁