台側頭郵筒要搬走 導遊批無保古蹟概念

田少fb借畀面張寶華又出招 「領袖乜都理隨時搞到一鑊粥」│皇甫清

2015-8-11 14:24
字體: A A A

自由黨田北俊今日喺fb又出動,話說佢應資生堂邀請,為奧比斯慈善籌款拍攝。期間攝影師叫田少睇吓啲相畀啲意見,佢就話:「我緊係唔睇啦,攝影師專業㗎嘛!」跟住田少就補多腳話:「做領袖如果乜都理,隨時搞到一鑊粥,但宜家特區就有D人唔明呢個道理,哈哈!」

先此聲明,田少係冇指名道姓嘅,不過佢黨友鍾國斌昨日先反駁過特首梁振英早前喺新華社專訪度話,「積極不干預」已過時,要放棄之的講法,反指香港幾十年來賴以成功,就係政府干預得少。田少而家就話一個領袖如果乜都理,隨時搞到一鑊粥……嗯,兩者應該唔關事嘅。

BTW,田北俊留言多謝張寶華同前無線記者林子豪,事關今次個活動係由張寶華間PR公司幫手嘅。

(撰文:皇甫清)(圖片來源:田北俊fb)

請支持我們持續發展,透過PayPal或其他方法贊助我們!
金額:
分類:|發表於2015年8月11日 下午2:24

發表評論

讀取中…
港台:大學生發明「記憶電視」 助長者多回憶防腦退化症│范中流