黃秋生連日化身「的士判官」　批死的士「改條毛咩！」

警方前日高調查封Uber及拘捕職員和司機，事件繼續發酵。黃秋生連續兩日在fb出post支持Uber兼批評的士的行業。

他今日留言讚Uber服務好，兼批評的士恃著壟斷，態度惡劣：「車又靚，司機又有禮斯文，又安全，梗係call車啦，最多咪做會員。有啲嘢，有問題嗰陣唔改，懶懶閒，以為冇對手，獨家生意，未見棺材都仲so far so good。 到對手出現嗰陣鬼殺咁嘈，我改啦！我改啦！改條毛咩！一於call（你老豆）嚟接你。」

至於黃秋生昨日就諷刺警察拉Uber：「日call車不知幾爽，拉拉拉，拉你老味咩？咁得閒數下自己有幾多條毛啦。」

（圖片來源：《的士判官》劇照，字幕純屬片中對白）