思言行|當天秤不再平

Leo Choi(Movewheel)

-Leo吹

一個大專設計仔,旨在吹吹球壇樂壇,分享對香港嘅所思所想,然後引你睇。 FB Fanpage: https://www.facebook.com/LeoBlowHK

Leo Choi網誌│逝去的那誰,你懷念嗎?

2015-8-14 15:07
字體: A A A

上星期英超開張,曼聯靠幸運烏龍球險勝熱刺,防守表現遠勝熱刺一方,史摩寧同達米安穩健既防守值得曼聯迷稱讚。但進攻火力不足卻係焦點所在:朗尼同迪比配合不足,進攻模式仍然偏向左邊出波,右邊切入中路,全場僅一次既中目標射門簡直係令人失望,除左懷念全盛時期既雲佩斯,同埋後備席既「小豆」查維亞靴南迪斯,唯有等待柏度轉會來投是否成功,先知道未來既曼聯能否改變進攻模式啦。

而上星期提及過既施治就可能令阿迷失望了,韋斯咸兩球淨勝阿仙奴,除咗進攻凌厲之外,施治失誤就係今場勝負既關鍵啦:兩次移動出錯,足以令阿仙奴又陷入季初既「降班危機」,暫時跌落下游啦。本身打和2-2既車路士,球迷因為門將哥圖斯領紅,或者會原本都可以懷念一下施治既,不過就即將要默默接受後備門將比高域既登場啦。

週日晚11點將會係第一場爭標球隊既對碰,正正就係車路士作客曼城,而上季比高域代表史篤城迎戰曼城,合共失去四球,可謂令車迷擔心,足以影響今場「強強對話」既勝負。而絕對主力阿古路,因為美洲國家盃後未有足夠休息,上場只係後備落場二十幾分鐘啫。不過從大炒西布朗三球既比賽可見,曼城已經準備好full team向車路士宣戰啦。比高域能否頂住曼城既高強火力,就要視乎佢能否同車仔既後防夾唔夾得切啦。

我地總會懷念過去美好既時光,但「時光這個壞人偏卻冷酷如許,離場慢些也不許」。歐洲各地球壇逐漸重燃戰火,又係時候拋棄歷史,迎接新經典。

(圖片來源:雲佩斯、施治及曼聯fb)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年8月14日 下午3:07

發表評論

讀取中…
國產動畫《雛蜂》登陸日本 製作方稱「想食自家飯」