Leo Choi網誌│逝去的那誰，你懷念嗎？

上星期英超開張，曼聯靠幸運烏龍球險勝熱刺，防守表現遠勝熱刺一方，史摩寧同達米安穩健既防守值得曼聯迷稱讚。但進攻火力不足卻係焦點所在：朗尼同迪比配合不足，進攻模式仍然偏向左邊出波，右邊切入中路，全場僅一次既中目標射門簡直係令人失望，除左懷念全盛時期既雲佩斯，同埋後備席既「小豆」查維亞靴南迪斯，唯有等待柏度轉會來投是否成功，先知道未來既曼聯能否改變進攻模式啦。

而上星期提及過既施治就可能令阿迷失望了，韋斯咸兩球淨勝阿仙奴，除咗進攻凌厲之外，施治失誤就係今場勝負既關鍵啦：兩次移動出錯，足以令阿仙奴又陷入季初既「降班危機」，暫時跌落下游啦。本身打和2-2既車路士，球迷因為門將哥圖斯領紅，或者會原本都可以懷念一下施治既，不過就即將要默默接受後備門將比高域既登場啦。

週日晚11點將會係第一場爭標球隊既對碰，正正就係車路士作客曼城，而上季比高域代表史篤城迎戰曼城，合共失去四球，可謂令車迷擔心，足以影響今場「強強對話」既勝負。而絕對主力阿古路，因為美洲國家盃後未有足夠休息，上場只係後備落場二十幾分鐘啫。不過從大炒西布朗三球既比賽可見，曼城已經準備好full team向車路士宣戰啦。比高域能否頂住曼城既高強火力，就要視乎佢能否同車仔既後防夾唔夾得切啦。

我地總會懷念過去美好既時光，但「時光這個壞人偏卻冷酷如許，離場慢些也不許」。歐洲各地球壇逐漸重燃戰火，又係時候拋棄歷史，迎接新經典。

（圖片來源：雲佩斯、施治及曼聯fb）