邊境購物城地主申變永久商場 黃定光拒認為發展商開路│丘偉華

93年《的士判官》講中今日香港 邱禮濤原來係先知│皇甫清

2015-8-14 22:21
字體: A A A

今個星期嘅熱門本地新聞,警方高調查封Uber兼拉人呢件事一定有份,事關大家認為警方有正經案唔跟(例如七警同朱經緯等),走嚟搞Uber,仲引發咗大家對不良的士司機日積月累嘅不滿,網上湧現支持Uber嘅fb專頁同不滿的士嘅聲音,而Uber發起嘅聯署更極速達標。

不滿嘅聲音當中不乏藝人,例如黃秋生連續兩日喺fb出post串警方同的士司機,話後者口口聲聲會改,都係「改條毛」。大家share佢嘅post之餘,都不忘回帶佢22年前嘅一部作品──《的士判官》。

部戲係講黃秋生本來有一個美滿家庭,一個大雨滂沱嘅晚上老婆臨盆,但被的士司機拒載,最終母子不保,黃秋生結果決定要盡殺所有冇職業道德嘅的士司機。電影裡遇害嘅的士司機,其罪名包括兜路、揀客、拒載,甚至侵犯乘客,黃秋生亦不止一次話,要教訓冇職業道德嘅的士司機。就咁聽都夠話題,電影海報就更霸氣,列舉的士司機嘅不良操守,包括冚旗、拒載、兜路、揀客同濫收車資……咪住,點解上述行為咁熟口面嘅?而家都成日有喎,嘩,唔通呢部戲嘅導演邱禮濤係先知?

定抑或係不良的士司機呢廿幾年來都冇進步過?

(撰文:皇甫清)(圖片來源:YouTube截圖)

請支持我們持續發展,透過PayPal或其他方法贊助我們!
金額:
分類:|發表於2015年8月14日 下午10:21

發表評論

讀取中…
任建峰「大奇蹟日」有餘波  張曉明唾罵公民黨│8仔