林兆彬網誌│《進擊的巨人》真人版電影:勇氣可嘉還是自掘墳墓?

謝頌昕

-呃你十年

人,最易寫,又最難寫。即管寫寫看,說中了,就俾個LIKE;說不中,就當我呃你十年吧!

謝頌昕網誌│O Camp,一定要報?

2015-8-16 20:48
字體: A A A

大學聯招上週放榜,freshman到各大院校註冊,除咗睇吓join埋學會同住邊間hall之外,更重要嘅就係報O Camp,不少師兄師姐都話,學系嘅O Camp(迎新營)一定要報,識多啲人,知多啲邊個老師係killer,開sem分組做project 時已經mark實groupmate,到時就唔使「站著如嘍囉」。不過,O Camp其實係咪真係一定要報?

就「知多啲department」嘅嘢而言,而家每個programme其實都係mentoring scheme(學長計劃),目的就係希望師兄師姐能夠教freshman嘅疑惑,問department文化又好、邊個老師係killer又好、邊科超級chur都好,總之都係希望新生們能夠快適應環境。同mentor相比,O Camp組爸媽同組OC嘅優點就係,大家相處嘅時間較長,暢所欲言嘅機會亦較多,有事起上嚟先搵組爸媽再搵mentor都唔難理解。

至於「識人做project」呢樣,其實有冇報O Camp,情況都差不多,畢竟做project 唔同去唱K,一齊玩過O Camp唔代表一定夾到,冇玩O Camp亦唔代表完全搵唔到人夾。更重要嘅係,O Camp一齊唔代表上堂都能夠一齊,大家有不同嘅選修課,tutor group又未必夾到,喺咁多個情況之下,除非喺O Camp識晒唔同組,甚至唔同house嘅人,否則報O Camp其實對做project分組幫助一般。

O Camp除咗喺營入面嗰段日子外,開sem後仲要出嚟食開sem飯或「Re-U」,交流吓大家嘅經歷或感受,講吓有咩問題,同埋維繫一吓喺O Camp入面建立咗嘅感情。不過一年下來聚到嘅時間其實唔多,好快大家就各有各忙,同埋如上述,大家嘅elective同tutor group唔同,好快都會各自搵到一班老友;相反,喺O Camp入面攬頭攬頸,一碗糖水兩份飲嘅組員,到sem尾好多時都變咗點頭之交。至少就我而言,大專生識落嘅好友,得一個係當年O Camp嘅組員。

說到最後,其實O Camp真係唔係每個freshman都要報,畢竟每個人性格不同,未必個個都能夠投入喺每晚最多瞓四粒鐘、瘋狂叫口號、同一班著同一款上衣喺香港周圍做task同埋跳營火舞嘅生活。甚至乎掉返轉嚟講,玩 O Camp最大得著嘅,可能其實係組爸媽同OC,能夠一班人一齊幾個月搞一個O Camp,搵sponsor、度game、度口號、聯絡組仔女,經驗難得之餘,真係可以識到一班好朋友。

利申:做過組媽同組女,開sem時組爸媽都幫過我好多。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年8月16日 下午8:48

發表評論

讀取中…
有線:李克強今始現身災場 或北戴河會議「比較緊張」