阿健網誌│我的「超能力」

Angelina

-空中飛傭

空中小姐,其實即係空中飛傭,只係一個在飛機上工作的傭工,你睇我好,我睇你好,其實是他也是你和我,打份工啫,得閒咪上嚟講吓是非囉。

Angelina網誌│倒瀉汽水奇遇記

2014-3-16 12:30
字體: A A A

假如你被一支1L可樂兜頭淋,你會……

大家想像下,當你好開心地食緊飛機餐時,一個白痴空姐用一支1L可樂兜頭淋到你全身濕晒,你會有咩反應呢?

A. 問候佢全家同要求賠償
B. 極度憤怒兼全程黑面
C. 無事發生繼續食飯
D. 問空姐要多個飯

是咁的,本人正是該名白痴空姐。

身為一個食嘢唔做嘢,做嘢打爛嘢的港女,對於公司請到我做空姐,只能說感到十分遺憾。出來飛第一天就把熱茶倒在客人身上,一個月後拆了廁所櫃門,幾個月前折斷了第一排座位的Pull TV,然後每次派餐必定倒瀉嘢(係,冇錯,係每次)。不過,呢啲其實全都只係小事。

唯一一次我覺得大件事就是這個可樂事件,而受害者是一位大陸中年阿叔。老實說,上述的A和B反應都是非常合理和正常,就算受害者係我自己,我都會選擇B。而這次對象更是一個大陸人,於是……

我:先生對不起!我幫你擦!(極度恐懼mode)
大叔:啊(抬頭)?發生什麼事(一臉茫然)?
我:你的外套都濕了!我幫你擦!對不起!
大叔:(望一望外套)怎麼都濕了?沒事兒!那個……其實……可以多要一個飯嗎?(請求眼神)
我:當然可以!要多一個麵包嗎?!(極度震驚mode,立即將眼前的食物遞給他)
大叔:謝謝你哦!

跟很多朋友分享過這故事,大家都說我太幸運,假如對方是香港人/Business Man,我跪低叩頭都搞唔掂。老實說,那些打空姐討賠償的大陸暴民我只在報紙見過,反而像那位大叔一樣,什麼都「沒事兒沒事兒」的我倒是經常遇到。

所以,每次同新認識的人對話,例牌係咁:

A:做空姐呀?飛邊度多呀?
我:都係大陸啦……
A:唉!啲大陸人一定好難頂啦!
我:其實我幾鍾意serve 佢哋……

當然,有關不同國家乘客的質素問題,其實仲有好多可以講,有機會再同大家討論!

(網絡圖片)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2014年3月16日 下午12:30

發表評論

讀取中…
陳玨明網誌│愛恨香港100個理由12──由電視撈飯到慘過撈屎