自由黨十年來首度訪京 田北俊能否北上成關鍵│范中流

林鴻達

-林離盡誌

從香港出現第一部中國製造巴士開始,到參與人生第一場保育運動,甚至近年投入時評寫作,充斥著離經叛道的思想,誓要突破框框 請忘記689的點相,文字、聲音、映像背後,也不過是尋常的香港人

林鴻達網誌│拆電車,益咗邊個?

2015-8-18 15:54
字體: A A A

退休政府規劃師薛國強自組顧問公司,第一炮就搞單解放軍中區軍營改為酒店用途,縱有人拍爛手掌(但其實膠到無朋友),今鋪就搞單人人喊打嘅「取消電車」規劃申請。

拆電車嘅不合理之處,人人都識得講,咁我就慳返啖氣同打Keyboard嘅力。呢單嘢無背後利益,真係搵鬼信囉。但到底假設真係拆咗電車,邊個會最大得益?

從電車是公共交通服務嘅本質角度出發,無咗電車,以港燦被港共洗腦到「乜都地鐵」嘅意識,港鐵當然首先得益;再然後的,以港燦的「中環價值」思維,該就是的士同私家車(代理商)。呢個推測基本上符合邏輯的。不過,細心留意呢件退休公務員申請嘅範圍,係介乎租庇利街至軍器廠街。再睇返佢嘅背景係「政府規劃師」,我即時反應係「唔會同交通運輸機構有關」。思考咗半日,得出嘅推論係……

租庇利街,即是中環街市西側;由呢個位開始向東嘅德輔道中,有幾多幢「史前」舊商業大廈呢? 通明、日發、景福、安樂園…… 數埋已經有十幢。

又如果今舖俾佢扑中,跟住再向西至摩利臣街進軍,出名嘅有「老中環」嘅國際大廈,即係依家叫「中保集團大廈」、龍記,永和街口的大新行、上環永安同對面嘅德輔商業中心…..

响「發展就是硬道理」同「拆咗再起就是發展」嘅中共最高嘅黨指示之下,呢咋舊樓嘅業主滿腦子想著要拆卸重建,是不能排除的。但電車點阻住佢哋呢個意圖?

先留意下呢啲舊樓外牆都裝有電車電欖的「吊碼」;然後又望下已重建的例如李寶樁大廈、萬宜大廈,行人路邊都多了一枝電纜樁。照推斷,有可能申請重建時,必須提交轉移電車電纜支撐設施計劃,而要在行人路邊豎立纜樁,就既要同電車公司商量,又要過路政署嘅一關。

呢個推斷係咪我「有斷估無痛苦」?以薛國強是退休「政府規劃師」呢個身份作為推論起點,我想唔中嘅機會又低咗。但事實係咪咁,留俾熟悉規劃嘅朋友去講兩句。如果又係「六合彩、3T又唔見我中」的話,涉及邊啲地產霸權,有時間又唔怕使返三幾百查冊費的話,做Land Search 應該會有驚人發現。

在我從交通規劃角度,電車只係需要將設施現代化。法國佬Veolia 咁多年嚟做咗唔少功夫,雖然未夠,但仍然可以俾時間佢哋做。拆電車呢個念頭,我只想向呢件薛匪講句:「拆 LEE 阿嬤!」

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年8月18日 下午3:54

發表評論

讀取中…
天津落雨 爆炸點5公里範圍現白色泡沫