60秒的沉默 成奧德兩國iTunes榜首│樂思施

謝頌昕

-呃你十年

人,最易寫,又最難寫。即管寫寫看,說中了,就俾個LIKE;說不中,就當我呃你十年吧!

謝頌昕網誌│大家仲記唔記得「173」電話?

2015-8-23 21:20
字體: A A A

上星期網上其中一宗花生味最濃嘅新聞,就係知名婚外情網站Ashley Madison(佢聲稱係「已婚人士社交網站」,咁點解唔玩fb而要幫襯你,其實原因都好簡單)被黑客攻入,將佢嘅會員名單公諸於世。網民喺呢數以千萬計嘅用戶入面,發現不少係以「gov」或「edu」電郵註冊之外,仲發現九成半女用戶其實都係虛構出嚟,呢個網站大部份真實會員都係男性。問題嚟喇,咁到底Ashley Madison入面數以百萬,甚至千萬計嘅巴打,其實係同邊個調緊情?

其實又唔使諗太多嘅,上世紀90 年代其中一項集體回憶:「173」熱線,既有交友熱線,亦有色情電話,任君選擇,報章嘅風月版都有不少呢啲電話嘅廣告。不過你估每條熱線背後都有成排寂寞少女人妻等大家電話咩,其實咪又係一班識講嘢姐妹們招呼大家,正如編劇陸以心咁講:「工作就係講電話,返晚9朝5,返工地方裝修同屋企差唔多,有梳化、雪櫃,冇人打嚟可以做功課。」

不難想像,Ashley Madison入面不少虛構絲打其實都係同「173」熱線入面嘅人妻少婦咁,來來去去都係嗰幾個,隨時一個阿姐對住三部電腦,每個電腦又同時有三個巴打同佢傾緊偈。各位有入會嘅男士們,搵個「交友網站」同人傾吓偈係好嘅,不過如果以為自己真係玩緊婚外情嘅話,只好講一句:「巴打,咪FF啦!」

(圖片來源:YouTube截圖)

軟硬天師-鈴通天地線

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年8月23日 下午9:20

發表評論

讀取中…
唔係吓話,畫到我咁?│樂思施