「貪曾」傳早獲北京「放人」 梁特再追殺隨時作法自斃│范中流

謝頌昕

-呃你十年

人,最易寫,又最難寫。即管寫寫看,說中了,就俾個LIKE;說不中,就當我呃你十年吧!

謝頌昕網誌│無記重播97年「小芙蓉」 你仲捱唔捱夜追?

2015-9-6 20:51
字體: A A A

《誓不低頭》上星期播完大結局,不少人對於陸國榮終於畀天收都拍晒手;不過有別於之前幾部劇集,大眾對明晚凌晨緊接重播嘅《大鬧廣昌隆》,似乎興致冇之前咁高,呢種轉向基本上有三個原因。

首先,對上三部劇,《大時代》、《他來自江湖》及《誓不低頭》,都係八十年代尾九十年代頭嘅作品,不少八九十後,甚至00後都真係會當佢哋係新劇咁睇,但《大鬧廣昌隆》首播日期就係1997年, 呢批新觀眾入面,都最少有約三分一人係孩提時代就睇過,新鮮感頓時少一截。

其次,《大鬧廣昌隆》嘅演員包括林家棟、周海媚、白茵、艾威、羅樂林等,不少至今仍然活躍電視圈,雖說佢哋有親切感,但鄭少秋、劉青雲、周星馳、吳孟達、毛舜筠、曾江及關海山等,吸引力無可否認係比較高同較令人期待。

第三,就創作團隊而言,《大時代》同《誓不低頭》就係韋家輝嘅作品,《他來自江湖》有星爺同達哥嘅獨有無厘頭式爆肚,呢啲都對年輕觀眾而言,都十分新鮮,自然會吸引佢哋坐喺電視機前追睇。至於《大鬧廣昌隆》嘅編審就包括張華標,外號「金牌編劇」,近年嘅作品包括《巾幗梟雄》、《溏心風暴》、《封神榜》同《秀才愛上兵》,即係話即使近十年先睇電視嘅觀眾,對佢嘅作品都不感陌生。

其實上述三個原因都係同新鮮感脫不了關係,所謂三年隔一代,明明連播三部八十年代尾九十年代頭嘅劇集,突然播返部97年嘅,個timing同感覺都已經唔同晒。

唔少人都已經喺網上話唔會追「小芙蓉」(周海媚於《大鬧廣昌隆》的角色),話要休息一陣,亦有人話如果無記播《義不容情》先會再追。如果無記未諗到「小芺蓉」之後播咩劇集的話,不妨考慮吓網上嘅民意!

PS,《大鬧廣昌隆》嘅係梅艷芳嘅《抱緊眼前人》,值得一聽。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年9月6日 下午8:51

發表評論

讀取中…
普巴斥中東國家拒收敍國難民 「用非法金錢買PSG同曼城」│樂思施