佔中一周年 馬恩國:公民抗命就係政變│丘偉華

謝頌昕

-呃你十年

人,最易寫,又最難寫。即管寫寫看,說中了,就俾個LIKE;說不中,就當我呃你十年吧!

謝頌昕網誌│【9‧28我們的一周年】就算全公司冧晒,都仲有我頂住

2015-9-28 10:33
字體: A A A

去年928,我中午先起身,因為連續兩晚凌晨四點先瞓,尤記得星期六晚因為老細要早走,於是大家返屋企開電腦再standby,當晚十二時許已有消息傳出,戴耀廷將會提早佔中,因此都有晒心理準備,到電視直播佢上台拎住個咪,都知道是時候cap圖報即時。終於等到佢宣布咗喇,咁跟住下一步係點,相信當時冇幾多人知,去到凌晨四點幾,一切尚算風平浪靜,就明天再算。

928港台嘅正午新聞報道,政總當時只有數千人,場面好冷清,於是我亦不以為意,做返當日計劃好嘅活動;但下午四五點開始發覺大件事,Whatsapp個個群組都爆晒message,大家不斷交換訊息,講幾點邊度等,邊度好多警察,警察話會有咩行動,等等。

換著以前,我可能已經一支箭出咗去金鐘,但當時嘅我只係同自己講,要保持冷靜,唔好去衝,公司好多人都出咗去,要留返一個人喺度,就算全公司冧晒,都仲有我頂住。於是,當處理晒手頭嘅事情後,我就回家開電腦standby幫手,同時叫身在金鐘嘅朋友小心,有事就去852大本營避一避。

一年過後回望,我都係唔確定自己會否出金鐘,還是留在後勤,但相信屆時嘅研判,一定會比2014年嘅好。

PS,當晚盛傳催淚彈殺到去分域街,於是不在總部嘅852兄弟喺通訊群組大叫熄冷氣,是為一笑。
PPS,翌日返工喺金鐘落車,多個出口被人用鐵馬、垃圾桶等封住(圖),我見到嘅唔係無法無天,而係恐懼,示威者喺一切未知嘅情況下,急就張地用盡手頭可見嘅一切,去擋住無情嘅鎮壓機器。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年9月28日 上午10:33

發表評論

讀取中…
【9‧28我們的一周年】匆匆一年 想說「請堅持」│跳跳妹