劉夢熊網誌│對李嘉誠的輿論圍剿應馬上刹止

Leo Choi(Movewheel)

-Leo吹

一個大專設計仔,旨在吹吹球壇樂壇,分享對香港嘅所思所想,然後引你睇。 FB Fanpage: https://www.facebook.com/LeoBlowHK

Leo Choi網誌│球壇大戰,週末爆發

2015-10-2 20:03
字體: A A A

歐聯過後,無休止既足球大戰一觸即發。其中今個週末既戲碼將會令球迷們睇到飽。

喺西班牙將會上演馬德里打比,由馬德里體育會主場迎擊皇家馬德里。馬體會近況的確麻麻,喺西甲同歐聯賽事都同樣落敗,而皇馬雖然喺西甲意外失分,但喺歐聯賽事以兩球擊敗瑞典馬模。當中C朗拿度包辦入球,攻入職業生涯第500球之餘,更加追平魯爾喺皇馬既球會入球紀錄,氣勢如紅,狀態良好絕對為大戰前夕加分。

德甲就上演紅黃大戰,由拜仁慕尼黑迎擊多蒙特,上季多蒙特表現大倒退令紅黃大戰失色不少,不過「蜜蜂軍團」開季5連勝就令佢地重返爭標行列啦。不過最近一場就被升班馬達斯泰特追和,就顯出後防仍然存在漏洞。近日攻力高強既慕尼黑,利雲度夫斯基保持勇態,協助拜仁大勝連場。兩隊不敗之師相遇,當中一隊狀態回落,相信定必分出勝負。

至於英格蘭就上演兩場精彩戲碼,利物浦就率先作客愛華頓,上演打比戰。連場不勝就令利記領隊羅渣士飽受下台壓力,不過喺前鋒史度列治復出並攻入兩球之下,3:2擊敗維拉,令利記重拾一定攻擊力。而愛華頓雖然以同樣比數擊敗維拉,但當中有兩球份屬問題球,顯出「拖肥糖」雖然攻力未足,但係就相當有運。大戰過後,或者會為羅渣士既前途蓋棺定論。

而「仙魔大戰」阿仙奴對曼聯就會喺週日晚11點上演,阿仙奴歐聯兩連敗,令盃賽門將奧斯賓拿表現飽受抨擊,不過呢一場波係聯賽,當然就會用返正選聯賽門將施治啦,阿迷或許會擔心少兩分既。不過曼聯亦逐漸以連勝拾回強勢,當中更乘曼城連敗登上英超榜首,馬達呢個中場發電機喺歐聯交出一入球一助攻,表現可人,阿迷都係難言安枕啦。

最後回望本地波,高級組銀牌八強都有一場大戰,傑志飛馬正面交鋒。傑志有西班牙外援費蘭度成為今季進攻泉源,已經交出咗四個助攻。而飛馬雖然陣容年輕化,都有巴西肥仔利馬場場入波,攻力非同少可。週六下晝2:30兩隊對碰,絕對唔會比歐洲波失色,球迷們,留意歐洲波之餘,不妨入場留意或者打開網上直播啦!

(立即Like Leo吹 Facebook FanPage: http://facebook.com/LeoBlowHK )

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年10月2日 下午8:03

發表評論

讀取中…
加航優惠樂手化解公關危機 值得港鐵借鑒?│廣雅仁