暗窒馮敬恩遲起床 盧寵茂連人哋title都叫錯│皇甫清

謝頌昕

-呃你十年

人,最易寫,又最難寫。即管寫寫看,說中了,就俾個LIKE;說不中,就當我呃你十年吧!

謝頌昕網誌│叫官員飲水係屈辱 街坊飲足咁多年又點計?

2015-10-17 19:08
字體: A A A

如果大家昨日有睇電視嘅話,應該會見到各個新聞台都無限loop政務司司長林鄭月娥嘅爆seed言論,先批評今次食水含鉛風波過度政治化,繼而再話要啲官員飲鉛水係屈辱。佢本人已經喺內部會議指令官員,日後出席公眾場合再遇到類似嘅情況,都唔可以接受屈辱,因為佢哋唔止維護個人嘅尊嚴,更係成個特區政府嘅尊嚴。

嘩,真係好打得嘅林鄭鄭呀,我係AO都一定濕晒…對眼,個上司咁勇猛,你都冧啦。不過換個角度睇,原來飲一杯聲稱鉛水係屈辱呀,咁一眾公屋街坊、學生哥、打工仔等等,咁多年來飲落咁多鉛水,又係唔係屈辱?林鄭言下之意係咪小市民飲鉛水唔係屈辱,但為市民服務嘅公僕要飲「鉛水」就係屈辱?香港嘅公僕幾時變得咁high,飲杯水都要拉埋樽鹽嚟講?

邏輯分析完,就係時候講返啲factual嘢,署理天文台台長劉心怡係其中一位有應區議員要求飲水嘅官員,佢飲水時現場更有掌聲,咁實情嗰日又係唔係好似林鄭所講咁屈辱呢?筆者搵到7月23日請官員飲水嘅區議員丘文俊講兩句。據佢所講,當日要求飲水嘅場面係「好融洽」、「絕對唔係屈辱」,官員面對有關要求時面無難色,同場以民建聯及公民力量為主嘅建制派區議員都冇撲出嚟幫官員解圍;丘文俊認為有關舉動係幫政府,好使市民重拾對特區政府部門威信嘅信心,佢叫官員飲水都係「敬佢哋一杯」。

原來當日叫官員飲水,場面唔係咁屈辱同難堪,林鄭咁爆seed,係咪諗多咗,行步路見到個影都以為有人要迫害自己?

丘文俊為今屆區議會乙明選區候選人,同區對手包括葉家明及周秉謙。

(圖片來源:有線新聞截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年10月17日 下午7:08

發表評論

讀取中…
《南都》記者疑因報道王林案被捕 涉非法獲取國家秘密│廣雅仁