Lego都講政治?艾未未指控拒售積木辦藝術展│丘偉華

黃明志:「創」這個字│方浩文

2015-10-25 11:01
字體: A A A

剛過去的星期二,馬來西亞歌手黃明志來港舉行演唱會,但還未開騷就已上了報紙,因為他被要求簽署一張聲明,保證不會在演唱會上,發表任何批評馬國及中國政府的言論。姑勿論聲明是應誰要求而簽,但已令大眾關注,藝人有沒有談政治的空間。作為在網絡打響名堂的藝人,黄明志如何看待言論及表達自由,與及藝人和社會責任之間的關係?筆者早前跟黃明志做了一個簡短專訪,他如是說:

問:自由對創作人重要嗎?
答:好重要!「創」呢個字,就係要做以為啲人未做過嘅嘢,要做冇人做過嘅嘢就一定要有自由,所以創作同自由係行埋一齊嘅。

問:藝人應該娛樂大眾,還是對社會有所承擔?
答:我覺得兩樣都要有,但兩者其實係好矛盾嘅嘢。因為要娛樂大眾,就要承擔大眾嘅嘢,但諗得太多方面嘅嘢又好難創作。

問:這種社會承擔應包括甚麼?
答:道德之類規條唔使講,好多人都已經知。不過如果你做咗超過一般人可以接受嘅嘢,一定要解釋清楚點解要咁做係為咗創作,呢個係我經驗之談,以往創作過好多嘢,結果其他人誤解咗。

問:「藝人應只談風月不談政事」?
答:你可以純粹臉書用來宣傳、賺錢,冇問題,呢個係你嘅選擇。但就我而言,如果你fb有幾十萬名followers,其實就好似一個媒體咁,我fb有百多萬followers,有啲嘢我覺得應該畀更多人知、畀人知道自己嘅想法,我就會去做,呢個係我責任,好似Spider Man咁,「能力越大,責任越大」。

筆者後記:黃明志作為藝人,有顧慮是可以理解的,但樂見他在網上仍然活躍。期望他往後能繼續善用自己的影響力,實現自己一直追求的事。

(撰文:方浩文)(圖片來源:黃明志fb)

請支持我們持續發展,透過PayPal或其他方法贊助我們!
金額:
分類:|發表於2015年10月25日 上午11:01

發表評論

讀取中…
有情360網誌│形式人生