【「摩」法失靈】「不超過三季」魔咒背後 應對球隊心理轉變不周│范中流

Leo Choi(Movewheel)

-Leo吹

一個大專設計仔,旨在吹吹球壇樂壇,分享對香港嘅所思所想,然後引你睇。 FB Fanpage: https://www.facebook.com/LeoBlowHK

Leo Choi網誌│球壇年度最頹盛事

2015-12-18 18:05
字體: A A A

全年壓軸嘅球壇錦標:世界冠軍球會盃今個星期就喺日本大板同橫濱進行。由於各大洲份既球隊實力相距甚遠,所以賽事即使係爭奪洲際球會之霸,重要性亦不及歐聯,南美自由盃嘅球會級盛事。賽制亦將各大洲嘅球隊編配喺唔同階段加入,亦顯出現實之實力差距。

咁到底各大洲實力有幾遠呢?兩場四強就提供到答案。先有南美自由盃冠軍河床迎戰東道主代表廣島三箭,全場唯一入球就係因為三箭門將林卓人出迎失誤,未能接實皮球,導致河床攻入全場唯一入球,晉身決賽,即使三箭全場快速反擊湊效,提供到具威脅嘅攻門,亦唔能夠擊破河床,反而輸喺個人失誤手上。

而廣州恆大面對巴塞隆拿,結局更加不堪設想。喺亞洲順風順水主攻既廣州隊,面對超然既巴塞,亦只能夠全場防守,全場只有一次中龍門既機會。即使因為傷病收起咗尼馬同美斯,巴塞仍然有蘇亞雷斯靈敏既表現,分別憑住快速補射,接應長傳勁射,以及十二碼,輕鬆橫掃廣州隊。廣州隊後衛們都只能夠「棟篤企」,欣賞牙擦蘇神一般的表現啦。

由此可見,亞洲球隊面對南美歐洲列強,即使有完整戰術,亦不敵於個人質素局限。星期日嘅季軍戰同決賽,先有三箭同廣州隊嘅日中大戰,壓軸就有河床同巴塞喺決賽碰面,實力相近嘅皇者之戰,希望實力相近,唔使睇到兩場頹爆嘅比賽啦。

(圖片來源:巴塞fb)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年12月18日 下午6:05

發表評論

讀取中…
游清源:希望852是個敢言的地方