【言論自由】撞正梁特參觀遭阻進入　體院教練轟自我審查│丘偉華

體育界有否貢獻連梁振英都一時一樣，但肯定的是體育界有不少話事人都相當「和諧」。一名在香港體育學院教划艇的教練在其個人fb專頁透露，她昨日帶著圖中黃袋準備入內教班時，適值梁振英正於體院內參觀，遭保安截停不准進入體院範圍。

她強調，平日都是用這個黃袋出入體院，「第一個感覺係好荒謬，到底我係咪唔小心帶住平反六四上左天安門？」最後要將黃袋放入另一個大背囊，令「我要真普選」五個大字不能曝光，才獲放行。

這位教練事後在帖子坦言，她明白保安只是執行上級指示，「我嬲嘅係到底社會要腐化到一個咩程度，先會因為政見唔同，而唔俾入一個地方？到底呢度仲係唔係香港？」並提醒香港人要想起「言論自由」：「如仲覺得咁樣就係「正常」，你將會被溫水煮蛙，死左都唔知。」

必須指出，2011年時任中國國務院副總理李克強到港訪問麗港城期間，特區警察將在場一名身穿悼「六四」T恤的港人挾走，事後抬出核心保安區等令公眾莫名奇妙的理由意圖掩飾；但今次體院有關方面自我審查以免得失的對象，竟只是特區之首的梁振英，難免更令港人響起言論自由的警號。

（撰文：丘偉華）（原圖為有關教練fb專頁截圖）