政府新聞網硬銷特區護照　用「自己的方式」召喚關公│皇甫清

今朝先講「人類總要重覆同樣的錯誤」估唔到24小時唔夠又要loop多次，而今晚又成功召喚關公嘅，又係政府新聞網。

今次佢哋喺臉書賣咩呢？冇咩嘅，介紹返特區護照喺152個國家或地區，都享免簽證待遇啫。問題係而家香港人可以用「自己的方式」自由進出嘛，仲邊駛特區護照喎！

如是者，政府新聞網就用「自己的方式」再次召喚關公，網民高質回「用自己的方式」同埋「坐洗頭艇」之外，都有「技術文」踢爆政府「篤數」，連全球免簽證嘅安道爾都包埋，另有網民話BNO可享嘅免簽證數目仲多（有189個）。

花生食住咁多先，要講返正經嘢。銅鑼灣書店店東李波失蹤已踏入第八日，另外四名股東及員工：桂民海、林榮基、呂波及張志平，至今已失蹤最少75日。請各位繼續密切關注事件進展。

（撰文：皇甫清）（圖片來源：政府新聞網fb）