源視物語:港大長年唔夠水,超班沙皇變米飯班主?

【跨年呈獻】2016年十位40歲以下最具影響新生力投票結果

2016-1-8 18:46
字體: A A A

U-40最具影響新生力 有結果喇!

Happy Friday又來了~配合放假心情,《852郵報》就為大家揭曉進行咗一個星期嘅「十大40歲以下最有影響力新生力」投票結果啦!

第一位,就係一直高踞榜首嘅學民思潮召集人黃之鋒。佢得票係664票,即代表遠超過半數嘅投票讀者都有將自己嘅一票,投畀黃之鋒。而佢今年最突出嘅,就係正式向香港高等法院提出司法覆核,將參選立法會的最低年齡從21歲降到18歲。結果如何,今年大家可以拭目以待。

第二位,是得票494嘅歌手何韻詩,雨傘運動後繼續積極就公共事務和政府各種光怪陸離事發言,舉行嘅個唱「十八種香港」大獲好評,更成功入紙於今年十月去紅館開個唱。加油,菇!。

第三位為人稱岳少嘅公民黨楊岳橋,得票384張,佢已報名參選立法會新界東補選,喺早前嘅專訪亦明言,「是時候由公民黨新一代去肩負更多」,可見今年將有更多場合見到岳少身影。

第四至第十名嘅U-40最具影響新生力分別係梁麗幗(358票)、林日曦(335票)、周庭(301票)、王宗堯(288票)、周永康(262票)、沈旭暉(261票)、葉鴻輝(242票)。

最後感謝各位讀者踴躍投票,選出你哋心目中十大。今次合計976位讀者投票,有關結果未經加權處理,但相信亦甚具代表性,因為大家揀選嘅前十位年青人,每一位都係剛剛過去嘅2015年有非常突出嘅表現。

除楊岳橋外,已報名參選新界東補選的還有民建聯周浩鼎及西貢區議員方國珊。

投票原文:【跨年呈獻】2016年十位40歲以下最具影響新生力

請支持我們持續發展,透過PayPal或其他方法贊助我們!
金額:
分類:|發表於2016年1月8日 下午6:46

發表評論

讀取中…
城巴新巴比亞迪新車車門易彈門 國產電動巴在港曾自焚