游清源 • 林行止導賞:梁振英令被溫水煮的青蛙眼突突!

謝頌昕

-呃你十年

人,最易寫,又最難寫。即管寫寫看,說中了,就俾個LIKE;說不中,就當我呃你十年吧!

謝頌昕網誌│向真.香港人致敬的頒獎禮

2016-1-12 16:02
字體: A A A

已經N年冇睇過樂壇電視界嘅頒獎典禮(超,講到咁大,咪又係得嗰五個),昨晚終於破咗戒。冇上網嘅你可能以為我講錯或吹水,有上網嘅你就99%知我講乜,分分鐘而家仲回味緊;冇錯,我就係講緊毛記電視嘅《第一屆十大勁曲金曲分獎典禮》。

成晚分咗咁多個獎,最多人談論嘅,一定係香港區最受歡迎男歌星得主真.河國榮,但其實另外兩位得主:「一台聯頒傳媒大獎」真.何韻詩同埋「香港區最受歡迎女歌星」真.方健儀都值得一講,因為佢哋三個都有一個共同點,就係離開大機構嘅comfort zone,去行自己嘅路,佢哋嘅決定可謂違反咗香港人嘅「核心價值」,甚至可以歸類佢哋為「廢青」;而真.河國榮就更係「廢青典範」,因為佢已經離開過confort zone兩次。

如果要真.河國榮玩港女嘅「package遊戲」,大膽講句佢會輸足30年。後生嗰陣喺澳洲讀醫,因為愛廣東歌,就坐單程機來港發展,加入大台做咗十幾年「警司」,2008年又離開大台,2012年自資40幾萬出唱片,終圓歌手夢,演出機會唔多就同老婆擺檔賣首飾。

久唔久都會喺紙媒嘅娛樂版到見到真.河國榮,問到近況時,「如何維持生計」係其中一個最經常觸及嘅話題,佢亦好坦白講絕對唔風光,有得做就做。旁觀嘅香港人大概都會問,點解咁辛苦都要做落去,真.河國榮昨晚就答你

「試,就可能會失敗;唔試,就一定失敗。」

多謝真.河國榮用差不多30年時間話畀香港人知何謂真。香港人,亦多謝毛記讓香港重新認識真。香港人。

(圖片來源:YouTube截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年1月12日 下午4:02

發表評論

讀取中…
景仁網誌│心不正更不行正道,如何行正道?