【一帶一路】遭問哈薩克首都是什麼? 林鄭:講民生不講經濟│范中流

法政匯思

-法政匯C

係唔係睇一班法律界嘅SOLIT同BAR現晒青筋講捍衛乜乜、捍衛物物有時睇到怕?其實佢哋都要搵食要行街要飲嘢要睇戲要睇電視要睇報紙要做人仔女要做人男友女友要做人老公老婆要做人老豆老母。想知佢哋唔現青筋嘅時候搞乜同諗乜?法政匯C話你知!

法政匯思網誌│點解唔做律師

2016-1-14 17:00
字體: A A A

最近我們一班曾經一齊讀法律的同學出來gathering,當中有些已是大律師,也有成為事務律師,有專做刑事的,也有做上市的,也包括做公司法務顧問,而當中亦有不少係唱《鼠能夠》的梁靚芬唔明白點解辛辛苦苦,好不容易才完成法律課程PCLL後卻選擇唔做律師的同學。總之大家各有選擇,各自各精彩。

其實我地時不時都會聚下嘅。由以前一起讀PCLL,到當見習律師,到現在拿了律師牌,吹水話題大不了是訴吓苦呀、互相取笑吓呀,也會分享吓做了什麼奇形怪狀的case呀,交換下八卦情報咁,笑爆嘴多㗎!今年的話題由《真.香港地》真Rap講下講下講到時事。係,係講呢啲!講下行政長官地位係超然,再講到竉物要人問侯,講下飲鉛水會延年益壽,再講到失蹤人士被洗頭艇嫖妓,甚至被要求自己向執法部門提供資料……真.荒謬得令「人到無望心自灰」。咁可以點? 有同學話要考多個外國牌,咩牌都好,只要係外國承認嘅,希望有助移民外國,話有「兩個牌」點都好過「一個牌」,而有「三個牌」就點都好過得「兩個牌」啦。有同學話要揾「此心安處是吾家」,就算別國不承認香港的律師資格,過到人地地方做收銀做侍應都好,都要plan定個移民大計。而我地就繼續討論這個此心安處,會係英丶美丶澳丶加,抑或是台灣丶星加坡丶紐西蘭,定係應該拿拿聲攞番本「肯肯定絕對有好過無」嘅BNO旁下身?有同學話香港環境已唔係一個適合下一代生存的地方,決定唔會喺香港生仔。有同學話法律呢行已變得越來越唔好撈,攞左牌已轉行鳥。聽吓聽吓原來呢d情緒唔單只局限於我地同學仔,而似乎己經係現今一個社會現象。

我諗,如果《鼠能夠》唔明白點解年輕人辛辛苦苦讀完PCLL後卻選擇唔做律師,唔知佢又知唔知道點解咁多人辛辛苦苦讀完PCLL,連見習都做埋,律師牌都攞埋都選擇唔做律師呢? 好好地建立了自己的專業和人脈,寧願轉行做唔相關的工作,甚至寧願移民他方做收銀? 無端端放棄哂家庭朋友,下一代都唔洗諗,甚至寧願到別國重頭來過? 無拉拉攞多幾個牌,就算好彩唔超支條數都好襟計囉。唔通原因又係「土地問題」?

講真,面對接二連三的荒謬,底線一次又一次的被挑戰,有時我也會覺得好灰,好無奈,感謝,法政滙思的正能量令我仍然抱著希望。「試可能會失敗,唔試就一定失敗亅。未來,我希望我地可以一齊努力維護真.香港人所一直相信並賴以成功的核心價值,我希望古零精怪、出賣人格及歪曲事實的事情唔會再發生,我也希望真.香港人唔洗再各散東西,往後一年丶兩年丶以至多多年仍然可以喺法治的香港生活同gathering,繼續睇分獎禮吹水八掛同笑爆嘴!

(撰文:Scotia Sze@法政滙思)(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年1月14日 下午5:00

發表評論

讀取中…
【台灣大選】移民港人:香港台灣其實有咩分別啫!?│范中流