源視物語:銅鑼灣書店另外失蹤3個人因為冇一樣嘢,所以未能現身!

林鴻達

-林離盡誌

從香港出現第一部中國製造巴士開始,到參與人生第一場保育運動,甚至近年投入時評寫作,充斥著離經叛道的思想,誓要突破框框 請忘記689的點相,文字、聲音、映像背後,也不過是尋常的香港人

林鴻達網誌│香港人就是中國人???

2016-1-19 18:41
字體: A A A

小學雞課本 (不論十膠幾世紀我嘅年代還是依家共匪要洗腦嘅時代)是咁寫的

黃皮膚黑頭髮,就是中國人

咁……

駱家輝 (Gary Locke) 係咪中國人??
佢到北京履新美帝走狗駐天朝代表時,共匪中央電視台記者問佢「你會回台山祭祖嗎?」。佢話唔會。一眾網絡評論員齊聲大罵「數典忘籍的爛臭黃皮白豬」。當然再加上「身為中國人回到家還說英語」

劉程強(新加坡工人黨秘書長)係咪中國人??
佢競選時用一口流利嘅潮州話爭取選民支持,平日又會講一口流利的「普通話」,梗係中國人啦。但所有公開嘅歷史記錄,佢從來只會話「我係華族新加坡人」

普密蓬(รัชกาลที่ ๙泰國國王)係咪中國人??
有齊典籍證明佢祖籍海南島,正如共匪治區新加坡留學生孫旭响2012年話「祖先兩百年前都是中國人」,點會唔係中國人?? 但幾時有聽過國王陛下講過「我是中國人」嗎?
網絡評論員或只見佢吱吱咕嚕講泰文唔識回應下手淘錢…..

唔扯咁遠喇,返嚟香港

問到口臭嘅新聞記者利君雅(Nabela Qoser)、現已移居英國的前香港藝員喬寶寶(Gill Mohindepaul Singh)、知名學者碧樺依(Raees Baig)、藝人布偉傑(Brian Thomas Burrell)、河國榮(Gregory Charles Rivers)、1980年代當紅藝人歌手露雲娜(Rowena Ellen Cortes)及賈思樂(Luis Castro)……中共港共都答你唔到、或者係唔敢答你驚「破功」之外,再唔係我成日開口埋口講嘅「南洋愛國僑胞」,更係搞到共產黨走夾唔抖。

但都未夠好玩……

想娶台妹、坡妹or 溝台仔、坡仔,無得「團聚」喎。無端端台灣人、新加坡人唔是中國人,想點先阿689、陳國基處長? (詳讀《港人娶台妹坡妹無得「家庭團聚」?! http://goo.gl/6oEqrD 》

嗱,我姑且再度擺埋自己上枱
父系祖先係金門烈嶼上林派人(仲唔係中國人???),响清國乾隆帝年間出走婆羅乃。直到我阿爺,唔鬼生性溝咗件「生蕃婆」生咗我老豆(即係打亂種喇)
點知我老豆憨膠膠受偉大的毛主席呼召……(自行搵返「南洋愛國僑胞」啲嘢啦)

但同時的,阿爺啲兄弟又衣錦還鄉,點知適逢國共大亂戰。幾個阿叔滿腔熱血受蔣光頭感召……
不過好彩蔣光頭佬帶埋佢哋橫渡台灣海峽,仲搵埋地起埋屋俾佢哋住咗起碼三代人

雖則我老母祖先由福建莆田(係中國人啦),走咗去砂朥越古晉,而阿公、太公無娶「生蕃婆」,希特拉最鍾意講嘅血統係純嘅。但我老豆啲種溝埋,我都仲係「雜種仔」囉。

咁我係乜嘢人呀???定還是真係學陳匪淨心口服液嗰啲應該躝屍趷路離開香港呢?

奉勸嗰啲唱候德健「HEY円精 HEY偷法烘屁夫」唱到上腦嘅友仔,唔好去德國呀。散播納粹主義罪係可以先收監後過堂架。

(原圖為壹週Plus圖片)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年1月19日 下午6:41

發表評論

讀取中…
【銅鑼灣書店】譚惠珠開大口 圖兩路降溫│丘偉華