林鄭否認「踩場」施壓「剪布」 指推掉所有會議等曾鈺成

法政匯思

-法政匯C

係唔係睇一班法律界嘅SOLIT同BAR現晒青筋講捍衛乜乜、捍衛物物有時睇到怕?其實佢哋都要搵食要行街要飲嘢要睇戲要睇電視要睇報紙要做人仔女要做人男友女友要做人老公老婆要做人老豆老母。想知佢哋唔現青筋嘅時候搞乜同諗乜?法政匯C話你知!

法政匯思網誌│點解律師咁鍾意從政

2016-1-28 16:47
字體: A A A

台灣大選後與朋友閒談,傾開蔡英文凍蒜總統,說蔡是讀法律的,之後仲發覺馬英九陳水扁都係讀法律的。朋友再Google下,發覺奧巴馬克林頓林肯總統印度聖雄甘地等通通都係律師……講到呢度,朋友話要輕鬆啲轉一轉話題,問我知唔知點解咁多法律人同律師鍾意從政,我拿拿聲話「知」。之後,dead air。

我心諗,你問我點解,我知條鐵咩。但係「我見過,我真係見過」梁家傑、余若嶶、李柱銘喎……

Dead air之後唯有由朋友來話俾我知點解。佢話其中原因可能係而家周街都係律師,律師揾唔到好野做,咪試下其他發展,於是就去做下官員、做下議員丶做下總統咁囉。我覺得都好有可能。未計大律師單係香港現時事務律師就有近一萬個,每年仲有好多法律畢業生源源不不絕咁投入市場,學歷仲越來越高,競爭越來越大。律師啲工時又長,壓力又大,咁辛苦頂唔住試下做其他嘢唔出奇。朋友聽完話唔信,佢話律師應該「食得鹹魚抵得渴」,走去從政一定有其他原因。

咁朋友繼續講,話律師從政會唔會係為興趣?為民請命?為伸張正義?我話YES,真‧佩服鄰近經濟強國的維權律師。佢哋雖然唔可以話係從政,但係佢哋都係為社會為公義冒險發聲同堅持信念。再諗下,呢個原因似乎又唔係肯肯定喎,解釋唔到講嗰啲「You are not even a fxxxing Chinese」、「政治有時會超越法律」、「提司法覆核是想攞彩」嘅律師係點為公義為民請命喎……

俾我話就梗係為咗貪靚啦!正所謂「相由心生」,從政(尤其係做官之後)「條例內容一啲都唔清楚」唔係重點,最緊要係老公會讚自已越來越靚㗎喎!!!正呀!!!

朋友覺得我都離哂譜嘅,問我自己嗰行嘅嘢,講來講去都無個理由講得通嘅?我話我成日要公務外訪,一個月又要睇30幾本書,放題真係好正。

唔該,攪咗半日,我哋誤會哂成件事囉。真‧原因同鍾意睇毛記分奬禮嘅原因有咩分別啫。點解律師咁鍾意從政?鍾意嘅人自然明白點解鍾意,唔鍾意嘅人就永遠都唔會明白人哋點解鍾意㗎啦!

(撰文:Scotia Sze@法政滙思;圖片來源:蔡英文、馬英九、奧巴馬及梁家傑fb)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年1月28日 下午4:47

發表評論

讀取中…
【沙皇登基】李國章揚言港大生「完全不關注,亦不認同」行動 反對他的僅少數