【銅鑼灣書店】過期未現身兼只提李波「舊料」 廣東省公安廳廳長雙重走數│范中流

Leo Choi(Movewheel)

-Leo吹

一個大專設計仔,旨在吹吹球壇樂壇,分享對香港嘅所思所想,然後引你睇。 FB Fanpage: https://www.facebook.com/LeoBlowHK

Leo Choi網誌│港超聯半季回顧

2016-1-29 16:21
字體: A A A

歐洲聯賽以外,香港超級聯賽戰況同樣精彩。轉眼間賽事已經過咗一半,喺度同大家recap一下。

東方喺早前嘅高級組銀牌賽首先奪得今季首項錦標,顯出實力高強,雖然季中有主教練楊正光,以及正選「黑雙煞」法圖斯,基藍馬北上離隊,不過球隊喺季中購入港隊中後場球員白鶴,絕對係喺石家莊執到好貨,補充中後場嘅實力,板凳深度亦係高人一等,加上正選徐德帥、巴域斯及李康廉等人狀態上佳,女教頭「牛丸」陳婉婷絕對有力帶領東方衝擊今季聯賽冠軍。

南華雖然喺聯賽對付非big3球隊全勝,但喺兩場big3大戰都分別大敗輸俾傑志同東方,以致落後喺東方之後。南華今季踏入「油王時代」第二季,華人陣容大致上穩定左,缺少上季雪藏或解僱前朝職球員嘅舉動,減少咗公關災難嘅出現,咁樣絕對有助穩定球隊嘅士氣。

至於傑志境況就十分堪虞啦,佢地曾經喺作客俾護級隊黃大仙逼和,更加兩度對夢想駿其合共失咗5分,後防傷兵更加係接二連三,需要防守中場黃洋客串中堅,後防不穩絕對將會係今季致命傷。而季中購買球員更加屬「賭博」,購入進攻中場林恩許以及前鋒盧芬奴,並且因為外援名額已滿而取消中鋒巴倫古素註冊,認真有前無後,若果未能挽回聯賽劣勢,教練加西亞有必要問責落台。

中游三隊飛馬,南區,駿其雖然未能殺入big3,不過偶有佳作,例如南區憑「子彈」夏志明喺銀牌四強以快速反擊「弒舊主」以2:0擊敗傑志,駿其又以九十後球員為基本班底,完場前補時入球1:1逼和傑志,同樣都顯出呢班球壇新勢力有活力,有士氣。

最後講下聯賽尚未打開勝利之門既三隊護級份子,元朗,流浪,黃大仙,佢哋先前既得分都係喺主場或者係互相對碰之下先得到,剩餘同樣級別嘅對碰能否取勝,將會係護級嘅關鍵。

今嘅既最高入場人數一直勇創新高,而今個星期六5:30南華對傑志既大戰會移師將軍澳運動場,究竟南傑打吡有無機會喺將軍澳「扯紅旗」全場滿座呢?球迷們要注意一下啦!

(立即Like Leo吹 Facebook FanPage: http://facebook.com/LeoBlowHK )

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年1月29日 下午4:21

發表評論

讀取中…
溫水劇場|向公眾致歉