《習近平與他的情人們》內容全曝光 三大切入點疑顛覆領袖形象

Leo Choi(Movewheel)

-Leo吹

一個大專設計仔,旨在吹吹球壇樂壇,分享對香港嘅所思所想,然後引你睇。 FB Fanpage: https://www.facebook.com/LeoBlowHK

Leo Choi網誌│論賀歲波現在與前景

2016-2-5 19:59
字體: A A A

一年容易又新年,球壇一到達猴年,迅即掀起「足金金猴12週年」熱潮。兩位足球評述界嘅前輩「大哥瑜」蔡育瑜同「積sir」曾偉忠,呢對當年讀錯足金金猴做粗口嘅孖寶亦都重出江湖,認真重頭讀過。

不過猴年一到,就唔係所有事情都重覆發生嘅。例如賀歲盃呢個傳統球壇節日盛事,今年就將錯就錯,因為請唔到外隊,轉而大搞三料友賽,包括女子賽:80年代隊對90年代隊,傳奇賽:經典港將對經典外援,以及壓軸嘅港隊對港聯(香港聯賽選手隊),由下晝踢到黃昏。

雖然無外來嘅球星,但係八間超聯球會嘅土炮援將都精銳盡出,絕對係加深認識本地球壇嘅良好機會。港隊包括積施利,基藍馬,陳偉豪,林嘉緯呢班為人熟悉嘅港腳,亦有黃梓浩,溫俊,羅港威,夏志明等等嘅年青球員。

而港聯就有更多實力外援,當中就一定要數到定海神針福田健二,衝鋒陷陣嘅費蘭度,等等。至於東方就因為足總未接手今屆賀歲盃之前就宣布球員放假,因此葉鴻輝,徐德帥等人就未有被徵召啦。

講到請唔到外隊嘅理由,除咗邀請金上升之外,外隊球季賽期未能配合亦係一大原因,要強隊特登飛一轉香港做季中或季前熱身都算係麻煩事,更加唔好話要遷就國際賽期,邀請其他國家隊打國際A級友賽啦……

所以近年各承辦球會邀請嘅外隊,都不外乎亞洲聯賽球隊例如廣州富力,未稱霸亞洲嘅廣州恒大,FC東京,遠至美洲嘅,都只係次級聯賽嘅紐約宇宙隊,遠至歐洲嘅,都只係葡超非主流隊伍,由於表現失禮,我名都唔記得。所謂星光亦漸變暗淡。今季原本承辦嘅球會香港飛馬邀請外隊失敗,就當然要足總打救打救。

今次請唔到外隊,或者就係一個好好嘅啟示,叫香港足總發揮更多創意,同樣類型既嘅港超全明星賽,絕對可以喺未來既賀歲盃上演,向香港人證明最好嘅球員,就喺香港。Leo吹喺度祝大家,猴年繼續睇好波!

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年2月5日 下午7:59

發表評論

讀取中…
源視物語:點解有人仲「寧願」相信,李波係自願北上助查?