【天佑台灣】逾百人仍困維冠金龍最底層 黃安「乘機」返台│丘偉華

好睇到冇朋友嘅華語賀歲片│皇甫清

2016-2-6 23:44
字體: A A A

後日就係大年初一,睇戲係香港其中一項最熱門嘅賀年活動,今年大家有三部華語賀歲片選揀,佢哋嘅共同點就係:好睇到冇朋友!

《賭城風雲3》
一個字講晒,王晶!晶哥嘅電影部部都係傑作,今集有發哥之餘,仲有劉德華、張家輝、張學友、李宇春、劉嘉玲等紅星拍攝喎,單係睇星都抵啦!劇情係咩?唔理啦,大家旨在入場開心笑一餐之嘛,你唔覺得發哥喺個銅像前面舞刀好好笑咩?又有華仔跳《獨自去偷歡》,仲有李宇春被掟蛋糕,聽到都知好笑啦!大家記住睇完之後,share張票尾,咁你就會知道邊個先係你嘅真朋友喇!

《美人魚》
又係一個字講晒,周星馳!
由細到大,只要電視重播星爺嘅電影,無論甚麼時候大家都係擔定櫈仔坐喺度睇,今次又點會錯過呢?睇返條trailer,阿正畫美人魚,三次都畫錯,咪似足《唐伯虎點秋香》入面梁家仁畫石榴姐囉!男人做美人魚邊個話唔得喎,有邊次如花出嚟大家唔係笑到碌地先!仲有鹹魚,幾乎係星爺作品必備之物啦,咁多經典元素結集嘅《美人魚》,大家入場向經典致敬吖嘛!

《西遊記之孫悟空三打白骨精》
首先,我真係未見過咁靚仔嘅孫悟空(郭富城飾),同埋咁大排朱古力腹肌嘅沙僧(羅仲謙飾演),仲有鞏俐做白骨精喎,唔知做豬八戒嘅小沈陽同做唐僧嘅馮紹峰係邊位,又有咩所謂呢?同上述兩片一樣,《三打白骨精》都係3D,兩分零鐘嘅預告,已經見到好多打打打嘅場面,睇完之後一定會好似吳克儉咁,係咁講「好靚」「好正」;一定係,除非唔係。

再提多次,大家睇完記得喺臉書貼返張飛尾,尤其是《賭城風雲3》,知冇!

(撰文:皇甫清)(圖片來源:《賭城風雲3》、《美人魚》及《西遊記之孫悟空三打白骨精》之截圖)

《賭城風雲3》

《美人魚》

【電影預告2】《美人魚》(Mermaid).大年初一 周星馳載魚而歸

【周星馳《美人魚》最新電影預告2】到底戲中嘅美人魚同八爪魚造型有幾咁特別? 即刻去片!《美人魚》大年初一 周星馳載魚而歸

Posted by Edko Films Ltd. 安樂影片 on Friday, 15 January 2016

《西遊記之孫悟空三打白骨精》

請支持我們持續發展,透過PayPal或其他方法贊助我們!
金額:
分類:|發表於2016年2月6日 下午11:44

發表評論

讀取中…
陳頌紅網誌│漱漱口,做事得心應手