【林行止新年導賞】香港新一代要有「孫悟空精神」!

【新春祝賀】向官員送上恭賀說話 為市民著想梗係祝梁特「出入平安」│甘樂宜

2016-2-8 11:00
字體: A A A

新年流流大家心情都特別好,如果新春期間見到政府官員,你又會送上咩嘢「祝賀說話」?

梁振英:出入平安

image1454742822343

新一年當然要祝特首梁振英「出入平安」啦!事關佢成日要出席重要場合,出現意外有時好難避免嘛!好似早前喺立法會出席施政報告答問會時,社民連梁國雄向佢掟「一帶一路鞋油」,前年讀《施政報告》時,又俾人民力量陳偉業掟「路姆西」公仔,真係好驚險呀!雖然每次都有立法會保安成功擋開,但都係平安啲好,萬一發生咩意外,令其他更有需要嘅市民因為咁而延誤救援就唔太好啦。

林鄭月娥:青春常駐

image1454742842761

至於政務司司長林鄭月娥,梗係要祝佢「青春常駐」啦!雖然人民力量黃毓民曾經話過林鄭相由心生,越嚟越樣衰,不過自從佢上任政務司司長之後,大家都發現佢啲衫越著越靚,早前仲自爆話老公讚佢心地善良,個樣都越嚟越靚,咁又點可以唔祝佢「青春常駐」,繼續「用自己嘅方法」代表香港呢?

袁國強:身體健康

image1454742854911

大家睇新聞都知北京霧霾有幾嚴重啦,不過一地兩檢問題一日未解決,律政司司長袁國強就要繼續同大陸當局商討,舊年去完北京傾一地兩檢之後,返到嚟香港仲入埋院添呀!雖然佢入院只係因為腸部不適,同霧霾冇關,不過都係唔好上咁多北京,亦唔好為咁多香港人反對嘅一地兩檢太操心啦,身體要緊呀!祝你「身體健康」啦!

曾俊華:年年有餘

image1454742872900

近年香港有咁多工程延誤又超支,啲財政儲備幾十億幾百億咁批出去,真係睇見都驚……嗱,財政司司長曾俊華就講過,應該可以令自己餘下任期嘅財政年度,都可以做到「年年有餘」。我哋仲記得㗎!雖然政府有人亂用錢,但財爺你記得幫香港人睇實盤數,要真係做到「年年有餘」呀!

吳克儉:學富五車

image1454742831057

相信大家都對教育局局長吳克儉「月讀30本書」嘅偉論記憶猶新,雖然佢之後自爆,話所謂「30本書」其實包括書、雜誌同埋刊物,但連去海外公幹,搭飛機期間都要睇十幾本「書」,呢種對閱讀嘅熱愛實在令人佩服!在此恭祝吳克儉猴年「學富五車」,繼續睇多啲書,咁下次有人問咩係「孟母三遷」就識得答,去日本就唔使再只係識講「好靚好靚」啦!

(撰文:甘樂宜)(圖片來源:蘋果日報、網上圖片)

請支持我們持續發展,透過PayPal或其他方法贊助我們!
金額:
分類:|發表於2016年2月8日 上午11:00

發表評論

讀取中…
陳頌紅網誌│你好似發哥!