【撐「藏獨」?】王菲梁朝偉印度拜佛 遭「國家級」網媒指控「好自為之」│丘偉華

法政匯思

-法政匯C

係唔係睇一班法律界嘅SOLIT同BAR現晒青筋講捍衛乜乜、捍衛物物有時睇到怕?其實佢哋都要搵食要行街要飲嘢要睇戲要睇電視要睇報紙要做人仔女要做人男友女友要做人老公老婆要做人老豆老母。想知佢哋唔現青筋嘅時候搞乜同諗乜?法政匯C話你知!

法政匯思網誌│智慧

2016-2-25 15:55
字體: A A A

猴子年嚟到喇,孫公借852郵報祝福大家平安、快樂,亦祝願香港繁榮,早日有真民主。

每逢大節日過後,律師樓一般都冷清清,我亦請咗幾日假同家人到泰國旅遊。泰國一直係我最喜愛嘅國家之一,不過今次旅行就發生咗件小插曲。

話說我同家人喺潮人地帶啲橫街小巷行緊街,正在享受之際,我嘅膊頭突然被對面嘅行人猛力推撞。我下意識感覺到撞我嘅人係突登嘅,於是乎擰轉身,撞我個人亦擰咗轉身。

我用英文問:「你做乜撞我?」

佢用英文回答:「我只係直行,係你擋著我條路。」

「咁你都唔駛撞我。」

「你擋著我呀!滾蛋返去你自己嘅國家啦!」

「咁你都唔駛撞我。」「仲有,你唔係泰國人,你只係一個無厘頭喺條街度立亂打人、撞人嘅懦夫,你要記住呢點。」

佢怒氣沖沖咁走咗,而我嘅膊頭就一陣酸痛。

我可以明白,佢唔鍾意咁多中國人去泰國,亦可能受咗啲委屈,但見人就撞,係最冇用、最懦夫嘅行為。

我小女兒受驚,喊著話:「爹地,快啲走啦,佢可能返轉頭打我地㗎。」

我同佢解釋:「傻女,你要記住,我地只係驚啲有禮貌、品格高嘅人,怕冇做得人地咁好。下下講拳頭嘅人,就只係得呢啲技倆,我地一啲都唔驚。」

係,我係一向撐香港人、撐本土文化。但係打著「本土」、「熱血」旗幟,唔係大哂。你立亂叫人勇武,見警察就喊打,唔理佢係好人定壞人,開口埋口鬧人黑警,唔鍾意人啲新聞就打記者,唔鍾意人啲意見就肆意攻擊,呢啲根本就唔係愛香港、撐本土嘅行為。

民主,從來都唔係擲幾舊磚頭、扑幾個人頭,就爭取到返嚟。你擲磚,頂哂嚨係唔怕死。伊斯蘭國啲人唔怕死,六四時手無寸鐵、企喺坦克前面果個中國人都唔怕死。「唔怕死」有好多種層次,唔係每種「唔怕死」都值得尊重。無論你係有心定無意,你暴力,隨便打個警察、tvb記者,只係助長咗主張強硬嘅689連任,並製造輿論比佢重推廿三條。

我最感到奇怪嘅係,話自己係「本土」、「熱血」嘅人,竟然同大公、文匯一樣樣,主力攻擊公民黨。我個女都問我:「我仲以為本土派最憎民建聯攞到新界東補選席位㖭!」

唉,以上種種,只係孫公個人意見。我只係得一個建議比大家,就係 今時今日,我地做選民嘅一定要多點智慧。

(撰文:孫公公@法政匯思)(圖片來源:)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年2月25日 下午3:55

發表評論

讀取中…
【網絡23條】4年內兩度擱置? 蘇錦樑:下星期若未能通過草案將「就此作罷」