游清源•打油•思｜湯家驊為上海行「一錘定音」

湯渣果然有精華
上海之行冇餘暇
不談方案講原則
泛民一齊柴娃娃

游清源短評：
公民黨湯家驊果然是媲美宋世傑的「神級狀王」，既強調泛民上海行並非什麼生死之決，更指出應該沒有時間觸及具體方案，所以他個人傾向討論大原則問題。言下之意，就是傾普選定義、愛國愛港定義、提委會實質提名權等大過大西洋的大問題。
假如這是真的，那麼，這次泛民上海行就肯定可以事先張揚一錘定音，即係肯定可以同京官合唱諸如「齊歡唱呢，同慶賀囉」此類的粵語殘片級總結，結果自然可以做到和諧過和諧之家。
順帶一提，湯家驊對此行究竟有幾重視？單係睇佢連公民黨八周年黨慶都唔出席，仲帶埋掹佢衫尾，同佢聯手提出「排序複選制」政改方案的郭榮鏗一齊先去上海，自然令人覺得，佢老哥好熱衷向阿爺真人示範「國大於黨」（中國大於公民黨）啦！

(原圖來自湯家驊facebook專頁)